https://www.facebook.com/MawbimaYoung/photos/pcb.1951957758449860/1951956778449958/?type=3&theater
Life එකේදී අපි ඉපදුණු දවසේ ඉදන් මැරෙන දවස දක්වා වන කාලය තුල culture එක අපිට විවිධ දේවල් නිරායාසයෙන් ලබාදෙනවා .එහෙම culture එකේ කුරුවල් වුණු පුහු thinking එක youth එකටද වෛරසයක් වගේ අද වෙද්දී පැතිරිලා තියෙන්නේ මොනම විදියකින්වත් මර්දනය කරන්න බැරි විදියට .
ලංකාවේ කෙල්ලෙක් fashion කළොත් ඒක මහා සමාජයට දරාගන්න බැරි අවුලක්. ඇඳුමක් කොටට ඇන්දහම පට්ට බඩුවක් .නැහැදිච්ච අසමජ්ජාති එකියක්.දිගට ඇග වැහෙන්න ඇන්දහම හැදිච්ච සීදේවි සිරියාවන්ත කෙල්ලෙක්.ඒ විදියටයි Label ගහන්නේ වටේ ඉන්න පරම සංස්කෘතික අම්මණ්ඩිලා. කොල්ලෙක් රැවුලයි කොණ්ඩෙයි වවලා ඉරිච්ච කසිකබල් ඇඳුම් අඳිනවා නම් දෙවරක් නොසිතා නොම්මර 1 කේ රස්තියාදුකාර කාඩ Label එක ගහන්නේ සමාජයේ පිටින් හොද මුණ පෙන්නන් ඉන්න උපාසක බළල්ලු .
Culture එකේ විවිධ බෙදීම් ඇති කරවන සාධක හැටියට ආගම , ජාතිය ,කුලය හඳුන්වන්න පුළුවන්. නිරුවතින් ඉපදුණු අපිට ජාති , ආගම් , කුලයේ ඇඳුම අන්දවන්නේ culture එක මඟින්. උඹ සිංහලද ,මරක්කල ද ලෙස බෙදල ලස්සනට culture එක ඇඳුම අන්දවනවා. තෙල්දෙණිය ගැටුමේදී සිද්ධ වුණෙත් සමහරක් සිංහලේද , මරක්කලේද සොය සොයා Culture එකෙන් ඔළුවට ඇතුළු කළ විසබීජ ක්ෂණිකයෙන් මුදාහැරීමක් .
Culture reading එකේදී Young එක අන් අයට වඩා සුවිශේෂියි. Friendlyයි. ආදරය , විවාහය වැනි සිතුවිලි පිළිබඳ ව අන් අයට වඩා වෙනස් විදියට හිතන්න try කරනවා . ඒත් mass society එක කොල්ලෙක් කෙල්ලෙක්ගෙ බොක්ක නම් වටේ ඉන්න අය රටේ නැති කතා හදලා උන් දෙන්නව පෝරුවේ නග්ගලා කසාද බන්දලා දීලා වැඩේ අහවර කරන්නේ සභ්‍යත්වය word එක ද ඒ තුළට රිංගවා ගනිමින්.
සිංහල සමාජය තුළ සිඳුවන විවාහයේදී තරුණියගේ කන්‍යාභාවය විවාහයේ පැවැත්ම තීරණය කරන ප්‍රධානතම සාධකයක්. කන්‍යාභාවය ඇති ස්ත්‍රීය පිරිසිඳු වන අතර එසේ නොමැති තරුණිය අපිරිසිඳු නැතිනම් වටේ ගිය එකියක් හැටියට නැන්දම්මාගේ අපවාද වලට ලක්වීම හෙළ සිරිතට අනුව සිඳුවන විවාහවලදී දකින්නට පුළුවන් . ලංකාවේ ඇතැම් ප්‍රදේශවල මනාලියගේ පිරිසිඳුකම දක්වන සුදු රෙදිකඩ මිදුලේ වැලේ වනන්නේ ලේලිගේ පිරිසිඳුකම ගමටම කියාපාමින් .
සතිපතා පළ වන මංගල දැන්වීම්වල වැඩිපුරම ඉල්ලනු ලබන්නේ සිංහල බොදු ගොවි, ගොවිගම කුලයෙන් මනාල මනාලියන්. කුලය යන්න සමාජයේ හැංගිලා තියෙන මහා පිළිලයක් . විවාහයේදී ක්ෂණයෙන් එය ඉස්මතු වන්නේ අළු යට හැංගී තිබූ ගිනි පුපුරු නැවත උඩට අදිමින් සිංහලයේ ස්වාධිනත්වයද එළියට ගනිමින්. උඩරට බොදු ගොවි නොවුණත් විවාහයේදී නිලමේ ඇඳුම අන්දවන්නේ popular culture එකේ Trend එක තුළින් Hit වූ Saloon සංස්කෘතියයි . වටේටම ණය වී මඟුල් කා කුලියට ඇනෙක්සියක පදිංචියට යන්නේද culture එකෙන් අපිට අතීතයේ සිට දී ඇති වංසය කබල්ගෑමේ පුරුද්ද නිසාවෙන්.
උගුරට හොරා ගන්නා Culture බෙහෙත නිසා youth එක boring කරගන් නැතුව culture රාමුවෙන් එපිටට හුස්ම වාතලයට මුසු කරගෙන පිටකොන්දක් තියෙන කොල්ලෙක් කෙල්ලෙක් වෙමු .
ජයංගනී ප්‍රබුද්ධිකා නාරංගොඩ
No comments:
Post a Comment