TV දෙරණ නාලිකා‌වේ ගමන්මග රසමුසු තැන්

                                  

දෙරණ නාලිකාව ලංකාවේ ප්‍රථම වරට ආරම්භ වනු ලබන්නේ 2005-10-11 දිනය. පෞද්ගලික නාලිකාවක් ලෙස දෙරණ නාලිකාව වත්මනය වන විට ලංකාවේ ජනප්‍රියත්වයෙන් වැඩිම ප්‍රේක්ෂක ප්‍රතිචාර හිමි නාලිකා අතරින් ප්‍රථම ස්ථානයක සිටී. මුල් ආරම්භයේ දි පවර් හවුස් ලිමිටඞ් ලෙස ආරම්භක අයිතිකාරිත්වය සඳහන් වෙයි. දෙරණ නාලිකාවට බලපත්‍ර ලැබෙන්නේ දෙමළ නාළිකාවක් ලෙසිනි. එම බලපත්‍රය ලබාගනු ලබන්නේ ඉන්දියානු ජාතිකයෙක් වන අනුප්ස් චන්ද්‍රසේකරන් නැමැත්තාය. ඉන්පසුව දෙරණ නාලිකාවේ වත්මන් හිමිකාරිත්වය හිමිකර ගනු ලබන්නේ දිලිත් ජයවිර මහතාය සිංහල භාෂාවෙන් වැඩසටහන් ප්‍රචාරණය කරනු ලබයි. දෙරණ නාලිකාව ලංකාවේ ආරම්භ කල මුල් යුගයේ බදු පදනම මත ගත් ගොඩනැගිල්ලකින් සහ කැමරා 2 ක් සහ මයික්‍රෆෝන් වැනි සීමිත උපකරණ කට්ටල කිහිපයකින් දෙරණ නාලිකාව ආරම්භ කරන ලදි. ඔවුන් මුල් අවධියේ සාම්ප්‍රදායික වැඩසටන් ද දෙරණ නාලිකාව තුළ විකාශය කරන්නට විය. ශ්‍රී ලාංකීය ගැමි සංස්කෘතිය අරඹයා, සංස්කෘතික ලක්ෂණ වලින් හෙඹි වැඩසටහන් මුල් වකවානුව තුළ විකාශය කරවීය. උදා: සිරිත වැඩසටහන

                 නමුත් සාම්ප්‍රදායික වැඩසටහන්වල පමණක් එල්බ ගෙන සිටීම තුළ පමණක් පෞද්ගලික ටෙලිවිෂන් නාලිකාවට පැවැත්මක් රදවා ගැනීමට නොහැකි වූ නිසා ඔවුන් ඔවුන්ගේ සාම්ප්‍රදායික වැඩසටහන් ආකෘතියෙන් එපිටට ගොස් නවමු ආකාරයේ වැඩසටහන් නිෂ්පාදනය කරන ලදි. එම අවධියේ දී ඔවුන් නිර්මානය කළ මෙන්ම ප්‍රසිද්ධියට පත් වැඩසටහන් අතර

■             මියුසික් ඔන්ලයින්

■             දෙරණ ඞ්රීම් ස්ටාර්

■             බෝයිස් ඔෆ් ලව්

■             රියල් ලිඩර්

■             සරා

■             ලිට්ල් ස්ටාර්

         වැනි තාරුණ්‍යය ඉලක්ක කර බිහි වූ නිර්මාණ ඇතුළත් වැඩසටහන් බිහි විය. දෙරණ නාලිකාව ප්‍රේක්‍ෂක ප්‍රතිචාර අනුව LMRB  ප්‍රේක්‍ෂක දත්ත අනුව සිටියේ 7 වැන ස්ථානයේය. ඉන්පසු ඔවුන් රියැලිටිකරණයේ  Derana Dream Star තුළින්  ශ්‍රී ලාංකිකයන්ගේ මහත් ප්‍රේක්ෂක ප්‍රසාදරයට ලක්වන්නට විය. තාරුණ්‍යයට පමණක් සීමා නොවී තරුණයාට, වැඩිහිටියාට, ළමයිනට, කාන්තාවන්ට ආදී ලෙස වැඩසටහන් හා ටෙලි නාට්‍ය නිර්මාණය කරන්නට විය.

                  ළමයින්ගේ නිර්මාණාත්මක හැකියාවන්, දක්ෂතාවන් හැකියාවන් කුඩා වයසේදි දක්ෂතාවලින් පරිපූර්ණිත වූ දරුවන්ගේ වැඩසහටනක් ලෙස දෙරණ  ලිට්ල් ස්ටාර් බිහිවන්නේ එලෙසිනි. අවුරුදු 8 අඩු , අවු. 12 අඩු ආදී කාණ්ඩ යටතේ දරුවන්ගේ දක්ෂතාවන් එළිදැක්වීමට මෙය මහත් තොතැන්නක් වූ අතර ළමයින් අදෙසා බිහි වූ ප්‍රථම රියැලිටි වැඩසටහනද මෙය වේ.

දෙරණ නාලිකාවේ භාෂාවේ ස්වරූපය/භාෂා ප්‍රවණතා

                 ප්‍රවෘත්ති ඉදිිපත්කිරීමේදි ආමන්ත්‍රණ ස්වරූපය දෙරණ ඔඪ තුළ සුවිශේෂීත්වයක් දරයි. ප්‍රේක්‍ෂකයාට වටහාගත හැකි අයුරින් සරල ලෙස ඉදිරිපත් කරනු ලබයි. ප්‍රවාත්ති පිළිබඳව ප්‍රේක්‍ෂකයාට විශ්වාසනීයත්වය ගොඩනැගෙන අයුරින් එය ඉදිරිපත් කරයි.

                   මුල් අවධියේ දෙරණ නාලිකාව ආරම්භ කල වකාවනුවේදී ප්‍රවෘත්ති ඉදිරිපත් කිරීමට තරුණ නිවේදිකාවන් යොදවා ගැනිමට කටයුතු කරන ලදි. නමුත් වර්තමානය වන විට එම තත්වය වෙනස්වීමකට ලක්ව තිබේ. ප්‍රවෘත්ති මෙන්ම කලා ක්ෂේත්‍රයේ දිගු කාලයක් වෘත්තියෙන් මනා පළපුරුද්දක් ඇති නිවේක, නිවේදිකාවන් කරලියට රැගෙන ඒමක් ලෙස නූතන දෙරණ නිවේදකයන්ගේ වෙනස්වීම තුළ අපට පෙනී යන කරුණක් ලෙස අර්ථ දැක්විය හැකිය.

                නිවේදක රසාදරී, කැලුම් ශ්‍රීමාල්, විශ්ව, පූර්ණිකා රංගා, වැනි නිවේදකාවන් එලෙස දැක්විය හැකිය. ඔවුන්ගේ රූපකාය වයසත් සමග වෙනස් වුවද ඔවුන්ට වෘත්තිය ජීවිතය තුළ ඇති වී තිබෙන වටිනාකමත් සමග නිවේදකත්වය විශ්වාසයෙන්, පෞරුෂත්වයෙන් ඉදිරිපත් කිරීම දෙරණ ප්‍රවෘත්ති තුල විශේෂයෙන් දක්නට ලැබෙන එමෙන්ම එකිනෙකට වෙනස් වූ නිවේදක රටාවක් ඔවුන් අනුගමනය කරනු ලබයි. ඩිල්කා සමන්මලී, රසාදරී, චතුර වැනි නිවේදක නිවේදකයන්ගේ ආමන්ත්‍රණ ස්වරූපය බසෙහි රිද්මය එකකට එකක් වෙනස්කම් දක්වයි. ඔවුන් ඔවුන්ට ආවේණික ආමන්ත්‍රණ ස්වරූපයෙන් ප්‍රේක්‍ෂකයා අමතනු ලබයි.

                          නිවේදකත්වයේ දී රූපය බාධාවක් නොකර ගන්නා අතර නිවේදකයන්ගේ පුළුල් දැනුම් මට්ටම් බලනොපායි. එම වැඩසටහන් බොහෝ දුරට ඉදිරිපත් කරනු ලබන්නේ රූපකායෙන් පැහැපත් සරල නිවේදකත්වයක් හෙබි නිවේදක නිවේදිකාවන් වේ. කාලීන වැඩසටහන්, දේශපාලනික සංවාද යනාදි පෘථුල සාකච්ඡා මණ්ඩපවලදී නිවේදකයන්ගේ දැනුමේ පුළුල් බව, පෘථුලත්වය ඒ සඳහා අතිශයෙන් බලාපන අතර ගැඹුරු වපසරියක දැනුම විශ්ලේෂණය කර ගවේෂණය කොට තිබීම අතිශයෙන්ම වැදගත් වේ. වර්තමානයේ බොහෝ නිවේදකයන්ගේ දැනුම් මට්ටම අවම මට්ටමක පවතින්නේ මෙම හැදෑරීම් නොකරන නිසාවෙනි.

                              භාෂා භාවිතය පිළිබඳ දැඩි අවධානයකින් දෙරණ TV  භාවිතා කිරීමට ඔවුන් වගබලාගන්නා අතර යම් යම් වැඩසටහන්වලට විකාශයන් සිදු කිරීමට පෙර නිවේදකයන් ඒ ක්ෂේත්‍රයන් වලට අදාළ ලිපි ලේඛන ආදිය ගවේෂණය කරයි. නිවේදකත්වයේදී  Home work  යන්න ඉතා වැදගත් වන අතර විෂය විෂය පිළිබඳ ඇති දැනුම වඩා වැදගත් වේ.ග්‍රාමීය ප්‍රජාව මෙන්ම නාගරික ප්‍රජාව යන ග්‍රාහක  ද්විත්වය ම අවබෝධ වන ලෙස වටහා ගැනීමට පහසු බස් වහරක් උපයෝගි කර ගැනීම විශේෂත්වයක් ලෙස දැක්විය හැකිය. News theory වලට අනුව ප්‍රධාන කරුණ Highlight වන ආකාරයට ඒ කෙරෙහි දැඩි අවධානය ග්‍රාහකයා වෙතට යොමු කරමින් පුවත් ඉදිරිපත් කිරීම, මේ සඳහා යොදා ගන්නා බසෙහි රිද්මය ද වඩාත් වැදගත්ව හේතු වේ.  භාෂාව විකෘති නොකොට විශ්වාසනීයත්වයෙන් යුතුව මනා පෞරුෂත්වයෙන් යුතුව දෙරණ නාලිකාවේ භාෂාව ප්‍රවණතා ලක්ෂණ වලින් පරිපුර්ණිත වේ. ඩිල්කා සමන්මලී, චතුර අල්විස් වැනි නිවේදිකා, නිවේදකයන් ප්‍රේක්‍ෂකාගාරය වෙත ගොස් ඇත්තේ එවැනි ජනප්‍රියතම ලක්‍ෂණයන්ගෙනි.

Tv දෙරණ නාලිකාව තාක්ෂණය මඟින් ඇතිකරගෙන තිබෙන වෙනස්කම්,

■             DV කැම් තාක්‍ෂණය භාවිතා කරයි. කැසට් වෙනුවට වර්තමානයේදී බොහෝ සෙයින්  Chips  භාවිතා කරනු ලබයි.

  ■          24´7  News channel එකට අදාල සියලු දේ Cantell software තුළ අන්තර්ගත කොට Cantell software     ------ >          News edit  ----->          Edit saver  ---->             News software    යන සම්පූර්ණ ක්‍රියාවලියකට අනුකූලව ක්‍රියාකරනු ලබයි.

■             ප්‍රවාත්ති චැනල්හි ප්‍රාසාංගික බව හා කලාත්මක භාවය අඩුය. Acedamic Programme පමණක් අන්තර්ගතයෙහි දක්නට ලැබේ.

24´7 පළමු සිංහල ප්‍රවෘත්ති නාලිකාව වේ. Dialog TV තුළ පළමු ප්‍රවෘත්ති නාලිකාව බවට පත්වන්නේ Tv දෙරණ නාලිකාවේ 24´7 ප්‍රවෘත්ති චැනලය වේ.

මුල් අවධියේදී Pal, secam ආදී තාක්ෂණයෙන් වැඩසටහන් ආරම්භ කල Analog 2020 දී ඩිජිටල්කරණය වන වටපිටාව ද Derana නාලිකාව අවබෝධ කොට ගෙන ඒ සඳහා තාක්ෂණික දියුණුව ද අත්කර ගෙන සිටි. HD මැදිරි තාක්ෂණය. HD තාක්ෂණය තුළින් වැඩසටහන් සංස්කරණය කළ ද තවමත් විකාශනය කරනු ලබන්නේ Analog තාක්ෂණයට අනුව වේ.

ප්‍රවෘත්ති වැඩසටහන් ගත් කළ, දෙරණ නාලිකාව මිනිසුන් සමිපයට යවනු ලැබුවේ කාලීන වශයෙන් ඔවුන් විසින් සාම්ප්‍රදායික ප්‍රවෘත්ති කලාවෙන් පරිභාහිරව නවමු ආකාරයේ ප්‍රවෘත්ති වැඩසටහන් ඉදිරිපත් කිරීම මඟිනි.

LMRB වාර්තා අනුව ජනප්‍රියතම ටෙලිවිෂන් නාලිකාව ලෙස ප්‍රථමයෙන්

■             දෙරණ TV

■             දෙරණ   Web

■             දෙරණ   FM

■             අද දෙරණ News

පත් වු බව වාර්තා වලින් පැහැදලි වේ. දෙරණ Web අඩවිය “දෙරණ මැක්රෝ එන්ටර්ටේට්මන්ඞ්’ නම් වන අතර දිනකට මෙම වෙබ් අඩවිය නරඹන VIews (නරඹන්න්ගේ ප්‍රමාණය) ලක්ෂ ගණනින් වාර්තා වේ. මෙය තුළ වර්තමනයේ කාර්යබහුලව ප්‍රේක්‍ෂක ජනතාව තම රැකියාව කරන අතරතුර ජංගම දුරකථනය භාවිතා කරමින් දෙරණ News දෙරණ web අඩවියෙන් නැරීඹීමේ වත්මන් ප්‍රවණතාව වැඩිව තිබේ.

Hourly News පැයෙන් පැය පුවත්

මෙම නාලිකාව සඳහා සිටින Target Audience එක බුද්ධී මට්ටමින් ඉහල පිරිසකි. පුවත් ඉදිරිපත් කරන විලාශය (පුවත් ඉදිරිපත් කරන විට එය වචන ගැලපෙන ලෙස නිවැරදිව බෙදා ගෙන ඉදිරිපත් කරනු ලබන්නේ එය ග්‍රාහකයාට එය මනාව වැටහෙන පරිදිය.)

ප්‍රවෘත්ති අංශයේ විසිනි.

සම්මුඛ සාකච්ඡාව-චංචලා කාරියවසම්විධායක නිෂ්පාදිකා

(අද දෙරණ)

දෙරණ නාලිකාව වඩාත් ජනාදරයට පත්වීමට එක් හේතුවක් ලෙස අද දෙරණ, දෙරණ ප්‍රවෘත්ති විකාශය බලපෑවේය. ජාත්‍යන්තර ප්‍රමිතිකරණයෙන් යුතුව ප්‍රවෘත්ති ඉදිරිපත් කරනු ලබන “සත්‍ය ප්‍රථමයෙන්” යන සංකල්පය ද ඇති ව ප්‍රවෘත්ති ඉදරිපත් කිරීම ඔවුනගේ නව ප්‍රවණතාවක් මෙන්ම ඔවුනගේ ප්‍රේක්‍ෂක ජන ආකර්ෂණයට හේතු විය.

ආයතනයේ වත්මන් කාර්යමණ්ඩල හිමිකාරිත්වය අනුව ෂර්මිලා ධර්මරත්න, ලක්සිරි වික්‍රමගේ, මාධව මඩවල, ෂාන් බරණගේ, තරංග කුමාරසිංහ යන විධායක අධ්‍යක්ෂකවරුන් දෙරණ නාලිකාවේ ආයතනයෙහි සියලු තීරණ ගනු ලබයි. ඔවුන්ගේ අරමුණ තාරුණ්‍යයට ආමන්ත්‍රණය කිරීම මෙන්ම දේශීය දේ ගැලපෙන ලෙස අරගෙන එය ජනතාව වෙත රැගෙන යාමයි.

ග්‍රාහකයින් ඉලක්ක කිරීම (දෙරණ Tv නාලිකාව)

ග්‍රාහකයින් ඉලක්ක කිරීමේදී ඔවුන් ප්‍රධාන වශයෙන්ම LMRB සමීක්ෂක වාර්තා සහ SLR, RCB  වාර්තා අනුව ඔවුන්ගේ නිරීකෂණ, පර්යේෂණ ක්‍රමවේද යටතේ සිය වැඩසටහන් තුලින් ග්‍රාහකයින් ඉලක්ක කරගනු ලබයි. එමෙන්ම විශ්වවිද්‍යාල ආචාර්යවරුන් සහ එවුන් විසින් සිදුකරන පර්යේෂණ වාර්තාවල සහය ද ඔවුන් තම වැඩසටහන් නිෂ්පාදනයේදී යොදාගනු ලබයි. ඒ අනුව 6.55 ප්‍රවාත්ති විකාශය ආරම්භ කල බව දෙරණ Tv ප්‍රවාත්ති අංශය අපට පැහැදිලි කල කරුණකි. එය නවීණ ප්‍රවණතාවකි.

ප්‍රවර්ධන වැඩසටහන්

දෙරණ Tv  නාලිකාවේ ප්‍රවර්ධන වැඩසටහන් ලෙස මනුසත් දෙරණ වැඩසටහන දැක්විය හැකිය. ගංවතුර මෙන්ම විවිධ ආපදා අවස්ථාවලදී මානුෂීය ලෙස ඇප කැප වී ක්‍රියා කල ප්‍රවර්ධන වැඩසටහනක් ලෙස මනුසත් දෙරණ ප්‍රවර්ධන වැඩසටහන සඳහන් කළ හැකිය. එමෙන්ම මහරගම පිළිකා රෝහලට පෙටි ස්කෑන් යන්ත්‍රයක් අවශ්‍ය ඇති මොහොතක ඒ සඳහා අරමුදල් රැස් කොට මානුෂීය ලෙස ටෙලිවිෂන් නාලිකාවක් ලෙස කරනු ලැබුවේ අති උත්තරීතර ක්‍රියාවකි. එමෙන්ම දුෂ්කර පාසල් සඳහා පෙලපොත්, සුදු ඇඳුම් බෙදාදීම්, විශ්වවිද්‍යාල, රාජ්‍ය, පෞද්ගලික ආයතන සමඟ එක්වී කරනු ලබන මනුසත් දෙරණ “පැළයක් සිටවමු” ප්‍රවර්ධන වැඩසටහන තුළින් ද පරිසරය සුරැකීමට ද ඔවුන් කටයුතු කරනු ලබයි. වකුගඩු රෝගීන් සඳහා විශාල සුබසාධන වැඩපිළිවෙල් ඔවුන් සංවිධානය කොට ඇත.

දෙරණ ප්‍රවෘත්ති විකාශයේ දී ප්‍රවෘත්ති ඉදිරිපත් කරන නිවේදකයා පසුපස එම ප්‍රවෘත්තියට අදාල විඩියෝ සහ රූප රාමු ඇතුලත් විශාල ඩිජිටල් තිරයක් දක්නට ලැබේ. මෙයද දෙරණ නාලිකාවේ තාක්ෂණික වශයෙන් ඉතා පුළුල් වූත් නව ප්‍රවණතාවක් ලෙස අර්ථ දැක්විය හැකිය. මේ තුළින් වඩ වඩාත් ප්‍රේක්‍ෂකයාට ප්‍රවෘත්තිය පිළිබඳ අවධානයක් ලබා ගත හැකිය. “සත්‍ය ප්‍රථමයෙන් යන” පූර්වාදර්ශය යොදා ගනිමින් දෙරණ නාලිකාව තුළ පුවත් ඉදිරිපත් කරනු ලබයි. ජාත්‍යන්තර  ප්‍රවෘත්ති වාර්තාකරණයේ දේශීය සන්නාමය යන Tag Line ය භාවිතා කරනු ලබයි

 වැඩසටහන් නිෂ්පාදනයේදී HD system එකට අදාලව තාක්ෂනික උපකරණ භාවිතා කරනු ලබයි. Main control Room (MCR)  තුළ විකාශන කටයුතු තාක්ෂණික ලෙස කටයුතු කනු ලබන අතර, Dream star ,ලිට්ල් ස්ටාර් වැනි රියැලිටි වැඩසටහන් නාරාහේන්පිට ආර්ථීක මධ්‍යස්ථානය අසල studio එකක පටිගත කිරීම් කරනු ලබයි. පුළුල් වේදිකා ඩිජිටල් රූපරාමු, මනා ආලෝකකරණය සඳහා නව තාක්ෂණික උපකරණ භාවිතා කරනු ලබයි. මුල් අවධියේදී දෙරණ නාලිකාවේ ප්‍රධාන සම්ප්‍රේක්‍ෂණ කුළුණ කොළඹ පිහිටුවීය. එමෙන්ම මහනුවර, කළුතර යන ප්‍රදේශවල ස්ථාපනය කොට තිබෙන අනෙකුත් සම්ප්‍රේෂණ අප පොළවල් හරහා සිය විකාශයන් දිවයින පුරා විසුරුවා හරිනු ලපයි. ඔවුන්ගේ විකාශයන්වල ප්‍රචාරණ උද්යෝග හෙවත් තේමා පාඨ ලෙස “අපේ දේ රැකගෙන අළුත් දේ රැකගෙන යන” තේමා පාඨ ඔස්සේ ක්‍රියාත්මක වනු ලබයි.

එමෙන්ම Dialog TV, Peo TV තුලින් ද කේබල් මාධ්‍ය හරහා ද TV දෙරණ වැඩසටහන් නැරඹීමට හැකියාව ලබා දී තිබේ. මෙය ද නව ප්‍රවණතාවක් ලෙස හැඳින්විය හැකි අතර 24´7 ප්‍රවෘත්ති නාලිකාව ඒ අතර ප්‍රමුඛ ස්ථානයක් ගනු ලබයි.

දෙරණ නාලිකවේ වැඩසටහන් ආකෘතිය

ටීවී දෙරණ නාලිකාව දිනකට පැය 17  පමණ ප්‍රචාරණයක් (පැය 600-2300 අතර) තුල ටෙලිනාට්‍ය, රියලිටි වැඩසටහන්, ළමා වැඩසටහන්, සංගීත සහ අනෙකුත් විවිධ වැඩසටහන් විකාශනය කරනු ලබයි.

ළමා වැඩසටහන් (TV දෙරණ)

■             වලස්මුල්ල

■             කිඳුරු කුමරියෝ

■             සූටිං මාටිං

■             අලිමල්ලියි මමයි

■             දෙරණ ලිට්ල් ස්ටාර්

■             මී Media

වාර්තාමය වැඩසටහන්

1              උරුමය සොයා   - (සංස්කෘතිකමය පරිසරය / පුරාවිද්‍යාව / බුදු දහම හා සම්බන්ධ වාර්තාමය වැඩසටහනකි

2 The other side(කොළඹ ලිං පද්ධතිය ආශ්‍රිතව ගොඩනැගුණු උපසංස්කෘතිය පිළිබඳ වාර්තාමය වැඩසටහනකි  

3 My city         -          

         I.            කොළඹ ප්‍රදේශයේ ලිංගික ශ්‍රමිකයන් පිළිබඳ යාචක මාෆියාව

       II.            නාට්ටාමි ජීවිත

     III.            දහවල් කාලයේ නගරයේ බත් පාර්සල් විකුණා ජීවිකාව ගෙන යන මිනිසුන්

    IV.            කොළඹ ගංවතුර

4  In side sri Lanka    - අරණායක ආපදාවෙන් විපතට පත්වූවත් හා ඔවුන්ගේ වර්තමාන තත්වය සිදුවීම එය සිදුවී මාස 07 පමණ පසුව ගොස් සොයා බලා ඒ පිළිබඳව කෙරෙන වාර්තා කිරීම Episode  03 කින් සමන්විතය)

5  මා නොවන මම දෙරණ ඩෙල් ස්ටූඩියෝ පටීබා     -           සම්මාන ඉලක්ක කරගත් වැඩසටහන් වන අතර ආයතනයේ අනුග්‍රහය යටතේ මෙම වැඩසටහන් නිෂ්පාදනය කරනු ලැබේ.

දෙරණ වැඩසටහන් ආකෘතිය පිළිබඳ සඳහන් කිරීමේදී ආගමික වැඩසටහනක් වන පන්සිල් සහ සෙත් පිරිත් දේශනයේ ආරම්භ කරන අතර ඉන් අනතුරු 6.30 සිට 7.30 අතර කාලය රැකියාවට යාමට සිටින ප්‍රේක්ෂකයින් උදෙසා දෙරණ අරුණ තුළින් දවසේ පුවත්පත්වල අඩංගු කරුණු කෙටියෙන් පැහැදිලි කරයි. එමෙන්ම දෙරණ අරුණ ඉදිරිපත් කරන චතුර වැනි නිවේදකයින් තමා වෘත්තිය ජන මාධ්‍යයෙක් ලෙස ඔහ ජනතාවගේ පාර්ශවයේ සිට ඒ පිළිබඳ කරුණු ඉදිරිපත් කරයි. සමාජ, ආර්ථික, දේශපාලනික කරුණු රාශියක් දෙරණ අරුණ වැඩසටහන තුළ ක්‍රියාත්මක වේ. උදේ 7 සිට රාත්‍රී 7 දක්වා Non Prime Time  කාලය වුවද ප්‍රේක්‍ෂක ප්‍රතිචාර බොහෝ සේ ලබා ගැනිමට දෙරණ අරණ සහ ලෝකය සහ ලෝකයෝ යන වැඩසටහන් සමත්ව ඇත.

8 සිට 9 දක්වා සජීවි විකාශය ලෙස මලබර දෙරණ වැඩසටහන ඉදිරිපත් කරන අතර එම වැඩසටහන තුළ කාන්තාවන්ට, තරුණියන්ට මෙන්ම විවිධ ප්‍රේක්‍ෂකයින් ද ඔවුන් target Audince ලෙස හඳුනා ගනිමින් වැඩසටහන් නිෂ්පාදනය කරයි. ෂර්මිලා ධර්මරත්න වර්තමාන නිෂ්පාදන තනතුර හොඹවනු ලබයි. සතියේ දින 5 ට එක් දවසට එක් නිෂ්පාදකයෙක් ලෙස වැඩසටහනට දින 5 ට වෙන වෙනම නිෂ්පාදන කටයුතු හොඹවනු පිරිස් සිටිති

සේද මාවත ආදී වැඩසටහන් අලෙවි ප්‍රවර්ධන වැඩසටහන් වන අතර විවිධ අනුග්‍රාහකයන්ගේ අනුග්‍රහයෙන් මෙම වැඩසටහන ඉදිරිපත් කරනු ලබයි. වෛද්‍යවරුන් මැදිරිය ගෙන්වා සෞඛ්‍ය කටයුතු පිළිබඳ දැනුම ලබා දෙන අතර කාන්තාවන්ගේ රූපලාවන්‍ය මෙන්ම කාන්තාවන්ට, තරුණියන් අවශ්‍ය දැනුම ද ලබා දෙනු ලබයි.  රූපලාන්‍ය නිෂ්පාදන ආයතන අනුග්‍රාහකයින් සහ රූපලාවන්‍ය ක්ෂේත්‍රයේ නියුතුවන වෘත්තිය ශිල්පීන් ගෙන්වා මෙම වැඩසටහන විකාශය කරයි. එමෙන්ම විවාහ මංගල්‍යය කටයුතු සඳහා ඔවුන්ගේ වැඩසටහන් තුළින් BMICH හිදී සම්මන්ත්‍රණ, සමුළු ආදිය අලෙවි ප්‍රවර්ධන කටයුතු සමග සිදු කරයි. මේවා නවීන ප්‍රවණතා ලෙස හැඳින්විය හැකිය.

රියැලිටි වැඩසටහන් (දෙරණ tv )

■             ලිට්ල් ස්ටාර්

■             චැම්පියන් ස්ටාර්

■             ඞ්රීම් ස්ටාර්

■             ස්ටාර් සිටි

■             සිටි ඔෆ් ඩාන්ස්

■             චැම්පියන් අන් ලිමිටඞ්

■             මිස් ශ්‍රී ලංකා

           ආදී රියැලටි වැඩසටහන් වේ. ලිට්ල් ස්ටාර් ළමයින් වෙනුවෙන් නිර්මාණය වූ රියැලිටි තරඟයකි. ඞ්රීම් ස්ටාර් තාරුණ්‍යයේ සිහින තාරකාව යන අර්ථයෙන් තාරණ්‍යයට සවන් දුන් රියැලිටි වැඩසටහනකි. අතිනවීන ඩිජිටල් Studio තුල මෙය විකාශනය කරන අතර තාරුණ්‍යයේ දක්ෂතා එළිදැක්වීම මෙන්ම දෂ්කර ප්‍රදේශවල සිට පැමිණ වත්මනයේ සැම ප්‍රේක්ෂකයෙක්ම හඳුනන තරුවක් විමට මෙම රියැලිටි වැඩසටහන උපයෝගී විය. රියැලිටි වැඩසටහනට අනුග්‍රහය දක්වන අලෙවි ප්‍රවර්ධන අනුග්‍රාහකයින් එම වැඩසටහනට අනුග්‍රහය දක්වන්නේ විශාල ලෙස ක්ෂේත්‍රයක් එම වැඩසටහන තුළ මවමිනි. එමෙන්ම ජනතා පරමාධිපත්‍යයෙන් SMS පණිවුඩ හරහා තම ඡන්දය කැමැත්ත එම තරඟකරුවන්ට ලබාදීම තුළ නවීණ ප්‍රවණතා රාශියක් දක්නට ලැබේ.

නාට්‍යමය වැඩසටහන්

■             අධිරජ ධර්මාශෝක

■             සිදූ නාට්‍ය

■             මුතුකුඩ

■             දෙවැනි ඉනිම

■             සඳහටම ඔබ මගේ

සිඳූ ටෙලිනාට්‍ය රාත්‍රී 7.30 ආරම්භ වෙයි. ශ්‍රී ලංකාවේ ප්‍රේක්‍ෂක ජනාදරයට ලක් වූ සිදූ ටෙලිනාට්‍ය ලංකාවේ ජනප්‍රියතම ටෙලිනාට්‍ය නළුවා එම චරිතයේ රංගනයෙන් දායක වන සෝරත හිමි චරිතය වෙනුවෙන් ඒ ළමා නළුවාට හිමි විය. ශ්‍රී ලංකාවේ 7-10 රාත්‍රී කාලය තුළ අන් ටෙලිවිෂන් තුළ විකාශනය වූයේ ඉන්දියානු ටෙලිනාට්‍ය සිංහල හඩකැවීමකට ලක් වූ ටෙලිනාට්‍ය වේ. මෙය නිසා ඉන්දියානු ටෙලිනාට්‍ය රැල්ල නිසා ශ්‍රී ලංකාවේ ටෙලිනාට්‍ය නිෂ්පාදකයිනට එය අහිතකර ලෙස බලපෑවේය. මෙය නිවැදරිව අවබෝධ කර ගත් දෙරණ tv  නාලිකාව සිදූ ටෙලිනාට්‍ය හා දෙවැනි ඉනිම ටෙලිනාට්‍ය Prime Time  කාලය තුළ විකාශනය කරන්නට විය . දෙවැනි ඉනිම ටෙලිනාට්‍ය ද මේ වසරේ ජනප්‍රියතම ටෙලිනාට්‍ය නළුවා සහ නිළියද බිහිවූයේ දෙවැනි ඉනිම ටෙලිනාට්‍යයෙනි.

ප්‍රවෘත්ති වැසටහන්වල නවීන ප්‍රවණතා

 (LMRB සමීක්ෂණ වාර්තා අනුව )

පුවත් නරඹන ග්‍රාහකයාගේ රුචිකත්වය මේ සඳහා බෙහෙවින් බලපානු ලබයි.

24´7 (අද දෙරණ) Ratings වල ප්‍රථම ස්ථානයෙන් සිටියි. 6.55 ප්‍රවෘත්ති විකාශය වඩා ප්‍රේක්‍ෂක ආකර්ෂණය දිනා සිටියි.

ලෝකය සහ ලෝකය

මෙම වැඩසටහන ප්‍රවෘත්ති අංශයේ ඉදිරිපත් කිරීමකි. Dark comedy මෙහි මූලික ලක්ෂණය වේ. හාස්‍ය උත්පාදනය මඟින් යම් යම් ප්‍රබල පණිවඩයක් සමාජගත කිරීම මෙහි අරමුණ වේ.

දෙරණ අරුණ

පුවත්පත් විශේෂාංගය වේ. (පුවත්පතේ තොරතුරු වලට එහාගිය කරුණු, දැනුම ගවේෂණය. මතිමතාන්තර දේශීය සහ විදේශී්‍ය පුවත් අලලා ඉදිරිපත් කරනු ලබයි.

ප්‍රවෘත්ති වටිනාකමින් අඩු නාලිකා පැවති අවධියේදි, එහි නාලිකා අවශ්‍යතාවය මත පදනම්ව TV දෙරණ නාලිකාවට අමතරව මෙම 24 ´7 (අද දෙරණ) News channel  ආරම්භ කොට ඇති අතර මෙයින් ලාභ ලැබීමට වඩා හුදු සමාජ සුබසාධනය පරමාර්ථ කොට ගත්තකි. මෙය දෙරණ tv  නාලිකාවේ අනාගත ආයෝජනයකි. ලංකාවේ ප්‍රථම ප්‍රවෘත්ති නාලිකාවක් ඇරඹීමේ ගෞරවය TV  දෙරණ නාලිකාව සතුවේ.

සංවාදාත්මක වැඩසටහන්

§  360°

§  අලුත් පාර්ලිමේන්තුව

§  වාද පිටිය

§  Talk With Chatura

මෙම වැඩසටහන් සංවාදාත්මක වැඩසටහන් වේ. දෙරණ නාලිකාවේ ඩිල්කා සමන්මලී, චතුර අල්විස්. ප්‍රමුඛ නිවේදකයින් විසින් මෙම සංවාදාත්මක වැඩසටහන් ඉදිරිපත් කරනු ලබයි. අලුත් පාර්ලිමේන්තුව වැඩසටහන සඳහා කාලීන සමාජ ගැටලු  සංවාද කරනු ලබයි.අලුත් පාර්ලිමේන්තුව වැඩසටහන සඳහා විශ්වවිද්‍යාල, ශිෂ්‍යයන් ද සහභාගි කරවාගෙන ඔවුන්ට ද ප්‍රශ්න ඇසීමට සැලවිම මෙහි නව ප්‍රවණතාවයකි. මෙහි නිවේදකයා සතුව ගවේෂණශීලී දැනුම ඒ ඒ ක්ෂේත්‍රයන්ට අදාල පෘථුල දැනුම්, පර්යේෂණවල නිරත ව සිටින නිවේදකයින්, මෙම වැඩසටහන්වල නිවේදකත්වය උසුලයි. රාත්‍රී 10 න් පසුව මෙම වැඩසටහන් විකාශය කරනු ලබයි.

විනෝදාත්මක වැඩසටහන්

■             ඔන්න ඔට්ටුයි

■             ස්ටාර් සිටි

ආදී විනෝදාත්මක වැඩසටහන් දැක්විය හැකිය. ඔන්න ඔට්ටුයි විනෝදාත්මක වැඩසටහන සඳහා නළු නිලියන් ක්‍රීඩකයන් ආදී ක්ෂේත්‍රවල ජනප්‍රිය පුද්ගලයින් ගෙන්වා ඔවුන් සමඟ සුහදව කතා බහ කරමින් නර්තනයක් ද ඉදිරිපත් කරමින්, ක්‍රීඩාශීලිත්වය සඳහා ක්‍රියාකාරකම් ද සංවිධානය කරයි. එමෙන්ම ප්‍රශ්න විචාරාත්මක වැඩසටහනක්ද ඒ අතරතුර ඔවුන්ගෙන් අසනු ලබයි.

දෙරණ tv නාලිකාවේ අලෙවි ප්‍රවර්ධනය

දෙරණ tv  නාලිකාවේ අලෙවි ප්‍රවර්ධන වැඩසටහන් ලෙස අලෙවි අංශය කොටස් 3 කට වර්ගීකරණය කොට ඔවුන් අලෙවි ප්‍රවර්ධන කටයුතු කරගෙන යනු ලබයි. වත්මනයෙහි අලෙවි අංශයේ විධායක අධ්‍යක්ෂකරයා වන්නේ තුෂාන් පෙරේරා මහතාය.

·         FM Marketing

·         TV Marketing

·         Web Marketing

ලෙස වර්ගීකරණය කොට  අලෙවි ප්‍රවර්ධනය කරනු ලබයි. FM Marketing  සඳහා ගමෙන් ගමට ගොස් ප්‍රවර්ධන වැඩසටහන්  (ස්ටිකර් ඇලවීම, දෙරණ ඇහුවොත් සල්ලි” මුදල් ත්‍යාග ලබාදීම, වැඩසටහනක් අතරතුරදී දුරකථන ඇමතුමක් ලබා දී රීලෝඩි ලබාදීම) මෙවැනි අලෙවි ප්‍රවර්ධන කටයුතකු කරනු ලබයි.

දෙරණ tv  නාලිකාවේ අලෙවි ප්‍රවර්ධන කටයුතු සඳහා ඔවුන් අනුග්‍රාහක බවතුන් තම නාලිකාවට දැන්වීම් ලබාදීම සඳහා විවිධ ක්‍රම භාවිතා කරනු ලබයි. LMRB සමීක්ෂණ වාර්තා වල TOP 30 Programe  අතර සිටින සිඳූ ටෙලිනට්‍ය, දෙවැනි ඉනිම, චැම්පියන් ස්ටාර්, ඩාන්ස් අන්ලිමිටඞ්, ස්ටාර් සිටි වැනි වැඩසටහන් තුළ අනුග්‍රාහක දැන්වීම් දෙරණ නාලිකාවට ලබාදීමේදී ඔවුනට ලැබෙන වාසි පිළිබඳව මෙන්ම වැඩිම ප්‍රේක්‍ෂකයින් ටෙලිවිෂනය නරඹන වේලාව දැන්වීම් ප්‍රචාරණයට වඩාත් යහපත් බව පෙන්වා දෙයි. දෙරණ නමින් ගමට යමින්, එමෙන්ම නගර ආශ්‍රිත ඩිජිටල් වේදිකා යොදා ගෙන සංගීත ප්‍රසංග පැවැත්වීම ආදිය අලෙවි ප්‍රවර්ධන කටයුතු වේ. මෙහි නවීණ ප්‍රවණතා ලෙස නවීන තාක්ෂණික උපක්‍රම බොහෝ ප්‍රමාණයක් මේ සඳහා යොදා ගෙන ඇත. 24´7 නාලිකාව ආරමභ කිරීම අනාගත ආයෝජනයකි. Dialog TV, Peo Tv කේබල් තාක්ෂණයෙන් පමණක් 24´7 ප්‍රවාත්ති නාලිකාව නැරඹිය හැකිය. TV Marketing තුළ දෙරණ නාලිකාවේ Prime Time කාලය තුළ වෙළඳ දැන්වීමක් සඳහා මිල ලක්ෂ 2 ක මුදලක් යටතේ ගුවන් කාලය තත්පර 30 වෙළඳ දැන්විම් සඳහා අලෙවි කරනු ලැබේ. ඒ ඒ වැඩසටහන්වලට අනුව මිලෙහි වැඩි වීමක් හෝ අඩු වීමක් දක්නට ලැබේ.

web marketing පිළිබඳව සඳහන් කිරීමේදි Derana නාලිකාවේ www.adaderana.lk  යන වෙබ් අඩවිය ඔවුන් පවත්වාගෙන යනු ලබයි. Macro Entertainment ලෙස එම වෙබ් අඩවිය නම් කර තිබෙන අතර දැනට ලංකාවේ වැඩිම පිරිසකගේ වෙඞ් බැලීම (Web viewes) දෙරණ මැක්රෝ Entertainment වෙබ් අඩවියට ලැබී ඇත. අද දෙරණ ප්‍රවෘත්ති විකාශයට දිනපතා web අඩවිය තුළින් බැලීම (viewes) ලක්ෂ ගණනින් වාර්තා වේ. මේ තුළින් නිරූපිත නව ප්‍රවණතාවක් ලෙස ප්‍රේක්‍ෂකයා කෙමෙන් රූපවාහිනි නාලිකාවලින් ඈත් වී තම අතෙහි තිබෙන්නා වු ජංගම දුරකථනයෙන් මෙන්ම අවශ්‍ය තොරතුරු දැන ගැනීමට පෙළඹී ඇති බවයි. ජංගම දුරකථන, Smart Phone, Tab, Laptop  වැනි උපකරණ බොහෝ ප්‍රමාණයක් තුළීන් දැනුම තොරතුරු සෙවීමට මිනිසුන් පෙළඹී සිටින බව මෙයින් සඳහන් කළ හැකිය.

අද දෙරණ News APP Smart ජංගම දුරකථන සඳහා ද දෙරණ නාලිකාව විසින් හඳුන්වා දී ඇත. එමෙන්ම අද දෙරණ News Alaerts සක්‍රිය කිරීම තුළින් වැදගත් තොරතුර තම ජංගම දුරකථනයට පැමිණේ. මේ සඳහා සිංහල, ඉංග්‍රීසි, දෙමළ වැනි භාෂා 3 ම පහසුකම් යොදා ගෙන ඇත. නවීකරණත්වය සමඟ ඉදිරියට යන මෙන්ම ඉතා කුඩා කාලයක් තුළ ආරම්භ වී ජනතාවගේ නොමද ප්‍රසාදයට පත්වීමට දෙරණ නාලිකාව තුළ තිබෙන මෙම නව ප්‍රවණතා ලක්ෂණ බොහෝ දුරට ඉවහල් වී ඇත. ඔවුනගේ අරමුණු ලෙස අපේ දේ රැගෙන ඉදිරියට ගමන් කිරීමක් ඔවුන් අපේක්ෂා කරනු ලබයි. ඉන්දීය ටෙලිනාට්‍ය නිසා රාත්‍රි 7-9 ආදී පැය ද්විත්ය ඉන්දිය ටෙලිනාට්‍ය වඩාත් ජනප්‍රිය වී තිබූ අවස්ථාවක “සිදූ”, දෙවැනි ඉනිම, මුතුකුඩ වැනි දේශීය ටෙලිනාට්‍ය කරලියට රැගෙන එනු ලැබිය. “සිදූ” ටෙලිනාට්‍ය ළමා, වැඩිහිටි සැමගේ ජනාදරයට පත්වෙමින් LMRB  වාර්තා අනුව ප්‍රමුඛ ස්ථානයක රැඳී සිටියි. එමෙන්ම  දෙරණ නාලිකාව ලාබ ලැබීමේ අරමුණින් ක්‍රියාත්මක වන රූපවාහිනි නාලිකාවක් වුවද නිතැතින් ලාංකීය සංස්කෘතිය මෙන්ම ලාංකීය බවට ඔවුන් ගරු බුහුමන් දක්වති.

දේශපාලනික දෘෂ්ටිවාදය ලෙස සමබර දේශපාලන දෘෂ්ටියක් ඔවුන්ගේ වාර්තාකරණය තුළ ඇති අතර දෙරණ නාලිකාවේ හිමිකාරිත්වය දිලිත් ජයවීර මහතා  සතුව තිබේ. නමුත් ඔවුන් දේශපාලනික වශයෙන් දෙරණ නාලිකාවේ ප්‍රවෘත්ති වාරතාකරණයට හෝ දෙරණ නාලිකාවේ විකාශන කටයුතු උදෙසා දේශපාලන දෘෂ්ටිවාද යොද ගනු නොලබයි. වත්මනය වන විට දෙරණ නාලිකාවේ පරමාර්ථය වී ඇත්තේ (විනෝදාස්වාද සම්පාදනය + ලාබය +LMRB සමීක්ෂණ වාර්තා ශ්‍රේණිගත කිරීමේ ප්‍රමුඛයා) මෙම කරුණු ත්‍රිත්වය සම්පූර්ණ කිරීම වත්මනයේ ඔවුන්ගේ අරමුණ වී ඇති අතර වත්මන් නව ප්‍රවණතා අනුව ඉහත කාරණා අතිශයින් වැදගත් වේ. වසර විශිෂ්ටතම ප්‍රාසාංගික නාලිකාව ලෙස tv  දෙරණ සම්මානවලින් පිදුම් ලබන්නේ ද මෙවන් වූ කරුණු නිසාවෙනි. ප්‍රාසාංගික බව සහ ගුණාත්මකව එම ප්‍රාසාංගික බව ඉදිරිපත් කිරීම නිසා tv  දෙරණ වත්මනයේ නාලිකා අතර ප්‍රමුඛ ස්ථානයක් රදවා ගෙන තිබේ.

ප්‍රවෘත්ති අංශයේ විසිනි.

සම්මුඛ සාකච්ඡාව-චංචලා කාරියවසම්

විධායක නිෂ්පාදිකා

(අද දෙරණ)