දැන්වීම් කලාව බිහිවීම හා දැන්වීම් ද්විත්වයක විශ්ලේෂණය

    

                       

 දැන්වීම් කලාව ලොව පුරා ප්‍රචලිත වීමේ මුල් ඇරඹුම ඉතා දිගු ඉතිහාසයක් දක්වා දිවයයි. මධ්‍යධරණී ප්‍රදේශය ආශ්‍රිතව ක්‍රිස්තු පූර්ව තෙවන සියවසේ දී පමණ පැපිරස් පත්‍ර Popyrus  Leaves  මත ලියූ කුඩා රාජ්‍ය දැන්වීම් පිළිබඳව තොරතුරු වාර්තා වේ.චීනයේ ද රෙදි මත ලියූ දේ මෙන්ම ශ්‍රී ලංකාවේ නිශ්ශංකමල්ල රජුගේ ටැම් ලිපිය වැනි අවස්ථා ද දැන්වීම් නියෝග මහජනගත කිරීමට නිදසුන්ය. ලාවා වලින් වැසී ගිය පුරාණ පොම්පෙයි නගරයෙන් සහ පුරාණ අරාබි රාජධානියෙන් හෙළි කරගෙන ඇති නෂ්ඨාවශේෂයන් තුළින් එකල භාවිත දේශපාලන සහ වාණිජමය දැන්වීම් සොයා ගනු ලැබ තිබේ. ක්‍රි-පූ 4000 පමණ නිම වූ ඉන්දියානු සාම්ප්‍රදායික ගුහා චිත්‍ර සහ බිත්ති මත කල සිතුවම් ලෝකයේ පළමු එළිමහන් දැන්වීම් හෝ බිල් බෝඞ්ස් Billboards  ලෙස හෝ සැලකිය හැකිය.

                ලෝකයේ නගර බිහිව නාගරීකරණය වූ මධ්‍යකාලීන යුගයේ දී බහුතරයක් ජනයා වෙත අකුරු හැකියාව නොවීය. එහෙයින් එකල වෙළෙන්දෝ තමන් විකුණනු ලබන භාණ්ඩයට අදාල රූප භාණ්ඩ හඳුන්වා දීම සඳහා ස්වකීය වෙළෙඳසැල් අසල සිතුවම් කරනු ලැබීය.නූතන ලෝකයේ සන්නාමයන්හි ඇති සිතුවම් සහ සලකුණුවල එක් ආරම්භයක අවස්ථාවක් ලෙස මෙය පෙන්වා දිය හැකිය.මුල් යුගයේ මෙම රූප අතර සපත්තු ,කමිස ,හිස්වැසුම්ල ඔරලෝසු, දියමන්ති සහ ඉටිපහන් වැනි සලකුණු තිබී ඇත. එසේම මෙම නගර චතුරස්‍රයන්හි එළවළු සහ පළතුරු විකුණුම්කරුවන් ස්වකීය කරත්ත හෝ වාහන අසල එම භාණ්ඩ පිළිබඳ පාරිභෝගිකයන්ට මුරගා කියන ඝෝෂකයින් Town Criersඋපයෝගී කරගෙන තිබේ.  විදේශීය දැන්වීම්කරණයේ ඉතිහාසය ගත්විට බුද්ධවර්ෂ 196 දක්වා තරම් ඈතකට දිවයයි. Frank Presbrey  දක්වන අයුරින් දැන්වීම්කරණයේ ඉතිහාසය ටොලමි රජුගේ කාලයට සම්බන්ධය.රජුගේ කීර්තිය හා බල පරාක්‍රමය ජනතාවට ඒත්තු ගැන්වීමට ගල්වල ඒ බව සඳහන්කොට ඇත.

               දැන්වීම්කරණයේ වර්තමාන ඉතිහාසය ආරම්භ වන්නේ මුද්‍රණ යන්ත්‍රය බිහිවීමෙන් අනතුරුවය. 17 වන සියවස වන විට මුද්‍රණය සහ මුද්‍රිත මාධ්‍යය මාධ්‍ය ප්‍රවර්ධනය වීමත් සමඟ පුවත්පත්හි දැන්වීම් ප්‍රවරුධනය ඇරඹෙනු දැක ගත හැකිය. එංගලන්තයේ සතිපතා පුවත්පත්හි දැන්වීම් පළවීම ඇරඹෙනු දැකිය හැකිය. මෙම වෙළඳ දැන්වීම් ඔස්සේ පොත්පත් මෙන්ම පුවත්පත් ප්‍රවර්ධනය කරනු ලැබීය. ප්‍රංශයේ ක්‍රියාත්මක La Press  පුවත්පත වර්ෂ 1836 ජූනි මාසයේ සිට පළමු වරට එහි පිටුවල දැන්වීම් සඳහා මුදල් අයකර තිබේ. ඉක්මනින්ම මෙම සම්ප්‍රදාය සෙසු පුවත්පත් ද අනුගමනය කරනු ලැබීය. පුවත්පත්හි නිර්මාණාත්මක දැන්වීම් පළවීම ආරම්භ වන්නේ ඒ සඳහා ම කැප වූ දැන්වීම් ප්‍රචාරක ආයතන බිහිවීමත් සමඟයි.19 වන සියවසේ බිහි වූ එන්.ඩබ්ලිව් අයිර් සහ පුත්‍රයෝ නම් සමාගම පුවත්පත් සඳහා දැන්වීම් සැලසුම් කිරීම නිර්මාණාත්මක එළඹුම් සැකසීම සහ ඒ බැදුණු අනෙකුත් කාර්යයන් ස්වකීය පාරිභෝගිකයන් විෂයෙහි සිදුකිරීම අරඹයි. මෙම එළඹුම දැන්වීම් ප්‍රචාරක කර්මාන්තයේ නිර්මාණාත්මකභාවය වර්ධනයේ ආරම්භය සේ සැලකිය හැකිය. එතැන් සිට පුවත්පත, ගුවන්විදුලිය, රූපවාහිනය මෙන්ම එළිමහන් දැන්වීම් විෂයෙහි ද විවිධ සහ අපූර්ව දැන්වීම් බිහිවීම ආරම්භ වෙයි. 

                   දිනපතා පත්‍රයක් ලොව මුල් වරට මුද්‍රණය වූයේ 1702 මාර්තු 11 දා ලන්ඩනයේ සැමුවෙල් බක් ලී විසින් මුද්‍රණය කරන ලද මෙම පත්‍රය ඬේලි කුරාන්ට් Daily Courant  නම් විය. දැන්වීම් මූලික ආදායම් මාර්ගයක් කර ගනිමින් මෙය බොහෝ කාලයක් හොදින් පවත්වාගෙන ගොස් තිබේ. දැන්වීම් ලොවේ පියා ලෙස සැලකෙනුයේ ඇමෙරිකානු එක්සත් ජනපදයේ පාලන තන්ත්‍රවාදී බෙන්ජමින් ප්‍රෑන්ක්ලින්  1729 දී ඔහු ඉතා ක්‍රමානුකූල සැලසුම් අනුගමනය කරමින් දැන්වීම් පළකොට ඇත.ලොව සෑම රටකම දැන්වීම් ලොවේ විකාශනය සිදු ව ඇත්තේ සම්මත වන සන්නිවේදන මාධ්‍යයන්හි ඉදිරි ගමන හා සමාන්තරවය. සන්නිවේදන මාධ්‍ය කුමක් වූවත් එය එම සමාජයේ තහවුරු වූ විට දැන්වීම් මාධ්‍යයක් වශයෙන් යොදා ගැනීම නිරායාසයෙන් සිදුවන්නකි

          ලංකාවේ ද 1928 දෙසැම්බර් මාසයේ ලංකා වෙළඳ ප්‍රවෘත්ති නම් වාර ප්‍රකාශයක් නිකුත් කොට ඇත ඒ සම්බන්ධයෙන් සිංහල පුවත්පත් සඟරා ඉතිහාසයෙන් මාර්ටින් වික්‍රමසිංහ ශූරීන් දැන්වීම් ලිවීම හා පළිකිරීම යන මාතෘකාව යටතේ ඉදිරිපත් කළ අදහසක් ගෙනහැර දක්වයි ර්‍වෙළඳ දැන්වීම් ප්‍රචාරයට පැමිණවීම් යහපත් අදහසින් ලක්දිව පළමුවන වරට ආරම්භ කරන ලද එකම සඟරාව මෙය වේ.මේ අන්දමේ සඟරාවක් නොමැතිකමෙහි පාඩුව අප රටට කලක සිටම දැනී තිබුණේය-”මෙයින් පෙනී යන්නේ දැන්වීම්කරණයේ ව්‍යාප්තිය යන්න ආර්ථිකයේ පුළුල්වීමත් ජනමාධ්‍ය ප්‍රචලිත වීමත් හේතුකොටගෙන සිදු වූ පාඨකයා පාරිභෝගිකයා ලෙසින් අනුහුරු කිරීමේ ක්‍රියාවලියේ ප්‍රධානතම අංගයක් බවයි.

            වෙළඳ ආර්ථිකය ලොව බිහිවීමත් සමඟ අලෙවිකරණය සන්නිවේදනයත් සමඟ යම් භාණ්ඩයක් හෝ සේවාවක් පිළිබඳ තවකෙකුට දැනුම් දීම සහ ඊට පොළඹවා ගැනීම අරමුණු කොටගෙන දැන්වීම්කරණය ආරම්භ විය, 1850 වකවාණුවේදී දැන්වීම යන්න වෙළඳ ප්‍රචාරයට වඩා දැනුම්දීම අරමුණු කොට ගත්තක් බව පැහැදිලිය. එසේම මේ අවධීන් ප්‍රවෘත්ති සඳහා ආරංචි පත්‍ර යන නම ද දැන්වීම් පත්‍ර යන යෙදුම ද භාවිතා වී ඇත.

:1*                ර්‍නිර්මාණාත්මක දැන්වීම් පුද්ගලයාගේ ඉල්ලුම වැඩිකොට නව භාණ්ඩ පිළිබඳ දැනුම පුද්ගලයාට ලබා දෙයි- මෙවැනි දැන්වීම් පුද්ගලයා අපේක්ෂාවෙන් සිටී-”

                                                                                                                                                                                ( මාෂල් )

භාණ්ඩයක ඉල්ලුම වැඩිකර ගැනීමට දැන්වීම් අවශ්‍ය බවත් ඒවායේ ඇති නිර්මාණාත්මකභාවය එහි ඉල්ලුම කෙරෙහි බලපෑම් කරන බවත් මාෂල්ගේ අදහසයි.

:2*          “දැන්වීම් යනු නිෂ්පාදන කර්මාන්ත සීග්‍රයෙන් ඉදිරියට තල්ලු කරන එකම බලවේගයයි- කිසිවෙකුට දැන්වීම්වලින් තොරව මුදල් ඉපයිය නොහැකිය-”

- තෝමස් මැකෝලේ -

මැකෝලේ අදහස් කරන පරිදි කර්මාන්ත තම නිෂ්පාදනයක් මතින් ඉදිරියට යාමට බලාපොරොත්තු වන්නේ නම් ඒ සඳහා දැන්වීම් යොදා ගත යුතුය-

“දැන්වීම් දීර්ඝ කාලීනව ස්ථාපිත පාසල් පල්ලි වැනි සමාජ ආයතනවලට සමාන වටිනාකමක් සමාජ බලපෑම තුළින් අත්පත් කරගෙන සිටී- මාධ්‍ය තුළ ස්ථාපිත වී එමඟින් ගොඩනැගෙන විශාල බලයෙන් ජනප්‍රිය මාදිලින් නිර්මාණය කරමින් සිටී- එබැවින් එය සමාජය පාලනය කළ හැකි කළ හැකි සීමිත ආයතන කිහිපයක් එකක් බවට පත් වී තිබේ-”

- ඬේවිඞ් පෝටර් -

“දැන්වීම්කරණය යන්නෙහි අරුත තොරතුරු පතුරුවා හැරීමයි-”

“අදහස් බහුලීකරණය කිරීමේ බලවේගය දැන්වීම්කරණයයි-”

“දැන්වීම්කරණය විකුණුම් කාර්යය හඹා යන්නකි-”

දැන්වීම්කරණය යන්න භාණ්ඩ හා සේවා කෙරෙහි වන ඉල්ලුම නිර්මාණය කරන කලාවක් ලෙස විස්තර කළ හැකිය-

“අද ලොව වෙලද දැන්වීම්වලින් තොරව මුදල් ඉපැයිය හැක්කේ සල්ලි අච්චු ගසන සමාගම් වලට පමණයි-”

කිසියම් ජාතියක ස්ථාවර බව හා සමෘද්ධිය මනින මිණුම් දණ්ඩ ප්‍රචාරණයයි- එය රැකියා කෙරෙහි ද ජීවන ප්‍රමිතීන් කෙරෙහි ද බලපායි-

නිදහස් වෙළඳපොළ ආර්ථික රටාවක් මුල් කරගත් වත්මන් ආර්ථික ලෝකය තුළ භාණ්ඩල සේවා හා අදහස් අලෙවි කිරීම සඳහා වෙළඳ ප්‍රචාරණයේ ඇති වැදගත්කම මෙම ප්‍රකට බටහිර ප්‍රකාශ මඟින් කියවෙයි-

“දැන්වීම් නිර්මාණකරුවා නීතියල වෛද්‍ය විද්‍යාව හා සමානව දැන්වීම් පිළිබඳව කල්පනා කරන අතරම තාර්කික කේතයකට අනුව එම කේතයන් ආරක්ෂා කරමින් සෑහෙන තරම් විෂයානුබද්ධව දැනුම සහ පුහුණුව පදනම් කරගෙන කටයුතු කරයි-”

- එන් වොට්සන් ඩුන් හා ආනෝල්ඞ් එම් බාබන් -

                වෙළඳ දැන්වීම්කරණයෙන් සිදුවන්නේ අදහස් භාණ්ඩ හෝ සේවා පිළිබඳව යම් පණිවුඩයයි- මාධ්‍ය තුළින් බෙදා හැරීමේ ක්‍රියාවලියය. මේ සඳහා අදාළ මාධ්‍යයන්ට මුදල් ලැබේ. තමා මිලදී ගත්තේ කුමන භාණ්ඩයදැයි පාරිභෝගිකයා පෙළඹවීමේ හැකියාවක් ද වෙළඳ දැන්වීම්වලට පවතී. අදාල භාණ්ඩය කෙරෙහි පාරිභෝගිකයා තුළ පවතින වෙළඳ නාම භාණ්ඩ හෝ සේවා අලෙවි කර ගැනීමටත් වෙළඳ දැන්වීම්හි ප්‍රධාන අරමුණ බවට පත් වී තිබේ.

         කලාව මිනිස් චර්යාවේ ලක්ෂණයක් වශයෙක් ප්‍රථම වරට හඳුන්වා දෙන ලද්දේ ඇලන් බී මේරියන් නැමති අමෙරිකානු මානව විද්‍යාඥයා විසිනි.මිනිසාගේ සංස්කෘතික නිර්මාණයන් අතර කලාව වූ කලී අමුතු විදියේ නිර්මාණයකි. කලාව බිහිවන්නේ නිරුත්සාහයෙන් නොවේ- එයට හේතුවක් ඇත. ඒ හේතුව ඇති වන්නේ ජන සමාජයෙන් ලැබෙන බලපෑම නිසාය. ප්‍රාකෘතික ජන සමාජවල පවත්නා කලාවන්ගේ සංස්කෘතිය තුළ මිස දියුණු සංස්කෘතීන්ගෙන් ලද ආභාසය ගැන සෙවීමෙන් නොවේ.ඕනෑම රටක ජාතියකට තමන්ට අනන්‍ය වූ සංස්කෘතිකාංග ඇත. එමෙන්ම එයටම සම්බන්ධ වූ උප සංස්කෘතික අංග ද දක්නට ලැබේ. ශ්‍රී ලාංකික සමාජය තුළ කෘෂිකර්මය මත පදනම් වූ සංස්කෘතික වටපිටාවක් ඇත.එම ගැමි ජීවන රටාව තුළ ගොඩනැගුණු ජනශ්‍රැතිල විශ්වාසල ඇදහිලි, පුද පූජා ක්‍රමයක් ද බිහිවිය. ශ්‍රී ලාංකික සමාජයේ මෙය එකල ජනප්‍රිය අංගයක් විය. සාම්ප්‍රදායික ජන විඥානය පදනම් කොටගෙන නූතන නිර්මාණ ශිල්පීහු නිර්මාණකරණයෙහි යෙදී සිටිති. මේ හා සමඟ නව තාක්ෂණය මුසු වීමෙන් හරවත් දේ සමඟ විකෘති ස්වභාවයේ නිර්මාණයන් ද බිහි වෙමින් පවතී. එසේ වීමේ හේතුව ආයාසයෙන්ම විකෘති කථනයට ලක් කිරීම මෙන්ම ජනශ්‍රැතීන් පිළිබඳ ඇති අල්ප දැනුම හා රසඥතාවේ හිඟකම විය හැක.

ශ්‍රී ලාංකේය ජන සංස්කෘතිය තුළ දැන්වීමක් මඟින් තම ආයතනික ප්‍රතිරූපය ඉහළ වඩවා ගනිමින් පාරිභෝගිකයාගේ සිත්සතන් තුළ නොමැකෙන සන්නාමයක් චිරජීව කළ වෙළඳ දැන්වීම් මාලාවක් ලෙස Cargills වෙළඳ දැන්වීම සඳහන් කළ හැකිය. 1844 කොළඹ කොටුවේ විදේශිකයන් විසින් ඉදිකල Cargills  ආයතනයේ මුල් නාමය වන්නේ ARGILC EYLON LIMITED  නමිනි. ඉංග්‍රීසි ගෘහ නිර්මාණ ශිල්පයට සමානව ඉදිකල මෙම Cargills ගොඩනැගිල්ල රතු පැහැයෙන් වර්ණවත් විය.  මුල් කාලයේදී ඉහළ ධනපති පන්තිය වෙත පමණක් විවෘතව තිබූ Cargills  ප්‍රධාන සුපිරි වෙළඳසැල් ආකෘතිය රටපුරා නගර වෙත තව Cargills food city  ශාඛාවන් විවෘත කරමින් පාරිභෝගිකයා වෙත තව තවත් සමීප වීමට මඟපාදා ගන්නා

ලංකාවේ ගොවියා යනු ණය බරෙන් හෙම්බත් වූ වී බැංකු ඇතුළු මූල්‍ය ආයතන වෙත තම සේසත මිඩංගු කළ පුද්ගලයෙකි. යුරෝපා රටවල ගොවියා අන් අයට වඩා ඔහු තුළ සමෘද්ධියක් අත් කරගෙන සිටී. තම පුද්ගලික රථයකින් ගොවිපලට පිවිසෙයි. හෙලිකොප්ටර් යන්ත්‍ර යොදා ගනිමින් බීජ වැපිරීම් කරනු ලබයි. පොහොර යෙදීම්, අස්වනු නෙලීම් යන කර්තව්‍යයන් සෑම දෙයක්ම ඉතාම සන්තුෂ්ඨයකින් යුතුව කරනු ලබයි. එහෙත් ලංකාවේ ලාංකේය ගොවියාට අත්ව ඇති ඉරණම මීට වඩා බොහෝම ඛේදජනකය.

තම දහඩිය,ශ්‍රමයල වගුරුවා දින සති මාස ගණනක්වෙලේ කමතේ බැත සරිකරන්නට ඔවුන් දරණ වෑයම සුළුපටු නොවේ.  අස්වැන්න විකිණීමේ දී අතරමැදියා විසින් කුණුකොල්ලෙට අස්වැන්න මිල තම අතින්ම විනාශ කිරීම මෙන්ම වස පානය කරමින්ල කෘමිනාශක පානය කරමින්ල කෘමිනාශක පානය කර ගනිමින් තම දිවි තොරකර ගත් ගැමියන්ගේ ඛේදනීය ඉරණමවල අනුරාධපුරල පොලොන්නරුව වැනි ප්‍රදේශ වලින් වාර්තා වේ.

තම ජීවිකාව ගොවිතැන තුළින් සපයාගත් ගොවියාගේ මූලික අවශ්‍යතාවන් ආහාර ඇඳුම් පැළඳුම්වත් සපයා නොගැනීමට පවා නොහැකි වන ලෙස අතරමැදියා ගොවියාගේ ජීවිතය සූරා කන්නට විය Cargills  වෙළඳ දැන්වීම තුළ එම ඛේදනීය ඉරණම මුල් තත්පර කිහිපයේදී මනාව රූප රචනය තුළින් පිළිබිඹු වේ. අතරමැදියාගේ තොර ස්ව නිෂ්පාදන තම ගොවිපලට පැමිණ ලබා ගන්නා Cargills ආයතනය ස්වයංපෝෂිත වූ ගොවියාගේ සිනා මුසු වූ ආඛ්‍යානයක් ඒ තුළ අන්තර්ගත කරයි.

වෙළඳ දැන්වීමක ලක්ෂණ කිහිපයක් අන්තර්ගත වේ. ① අවධානය දිනාගැනුම ② සවිඥානික හෝ අවිඥානික ලෙස හෝ ග්‍රාහකයාගේ මනස තුළ පණිවුඩය තැන්පත් කිරීම ③ නිශ්චිත ආකල්පයක් ලබා දීම ④ පණිවුඩය පිළිබඳ ප්‍රසාදජනක මතකයන් ඉතිරි කිරීම එහිදී ඉටුවිය යුතුය. දියුණුවන තාක්ෂණය තුළ මෙ හැඩතල ලබා ගත යුතු වන්නේ සංඥා භාවිතයෙනි. නිර්මාණකරුවාගේ නිර්මාණශීලී බව දැක්ම රඳා පවතිනුයේ ඔහු විසින් උපයුක්ත සංඥාර්ථ මතය. මේ ලක්ෂණ සාක්ෂාත් කර ගැනීමේ දී පියවර 6 ක් පිළිබඳ සැලකිලිමත් විය යුතුය. මේ නිර්ණායක බිහි වනුයේ පාරිභෝගිකයෙකු භාණ්ඩයක් මිලට ගැනීමේදී පසුකරන අවස්ථා මූලික කරගනිමින් ① සාවධානය ② අවබෝධය ③ රුචිය ④ වරණය ⑤ තීරණය ⑥ මිලට ගැනීම.ඒ අනුව වෙළඳ දැන්වීමක අවසන් අරමුණ සයවන පියවර සඳහා පරිභෝගිකයා පෙළඹවීමයි. බල කිරීම යන අර්ථය යටපත්කර පාරිභෝගිකයාට තම ස්වාධීනව ඒ භාණ්ඩය රුචි කරන බව තහවුරු කිරීම.මෙහි දී අත්‍යවශ්‍යයෙන්ම වැදගත් වේ- පාරිභෝගිකයා සෑමවිටම තමා ස්වාධීන බව විශ්වාස කරන හෙයිනි- වෙළඳ දැන්වීම් සම්පාදනයේ දී නිර්මාණකරුගේ පරිකල්පනයල දැක්ම මෙන්ම මාධ්‍ය භාවිතය ද ප්‍රමුඛ වනුයේ මේ කාර්යයේදීය. කලා නිර්මාණයක මෙන් ගැඹුරු යටි පෙළක් වෙළඳ නිර්මාණයකින් අපේක්ෂා කළ නොහැකි වුව දල පාරිභෝගිකයා සිතේ නොමැකෙන අයුරු අදෘශ්‍යමාන යටිපෙළක් නිර්මාණය කරන්නට ව්‍යවහාරික කලාවේ දී ද දැකිය හැකිය. මේ අවිඥානික එකඟතාව සම්පාදනය හුදෙක් නිර්මාණකරු අතම රඳා පවතින්නකි. CBR Sri Lanka Advertising  මෙහි නිර්මාපක නිර්මාණකරුවන් වේ.

Cargills food city  වෙළඳ දැන්වීමේදී රූප රචනය හා පෙළ නිර්මාණය කිරීමේදී සුවිශේෂී වූ අර්ථකථනයන් ඒ සඳහා උපකාරීකොට ඇත. ඒ අතර සංස්කෘතිකාංග යොදා ගෙන තිබීම ප්‍රබලව දක්නට ලැබේ. බොහෝ විට වෙළඳ දැන්වීමක් සංස්කෘතිකාංග සමූහයකගේ එකතු වීමෙන් නිර්මාණය වූවකි. ඒ තුළ සාම්ප්‍රදායික හා ජනප්‍රිය අංග ද බටහිර ආභාසයද දැකිය හැකිය

මේ තුළ රූපය, වර්ණය, සංකේත,සංගීතය අපට පිළිගත හැක්කේ පොදු ධර්මතා ලෙසය. මෙය ඕනෑම ග්‍රාහකයෙකුට තම හැගීම් දැනීම් හා අත්දැකීම් අනුව තේරුම් යා හැකිය. මේ සඳහා වයසල ජාතිල ස්ත්‍රී පුරුෂ භේදයන් ඇති නොවේ. එමෙන්ම මෙවැනි පොදු පිලිගැනීමක් හැගීම් දැනීම් ඇති කිරීමක් ඕනෑම කලා අංශයකට හා පාරිභෝගික භාණ්ඩවලට ඇත. උදාහරණයක් ලෙස නර්තනය, සංගීතය, චිත්‍රය ගතහොත් එය මනින මිණුම් දණ්ඩ කෙසේ වූවත් දැනෙන හැගෙන තත්ත්වය පොදු බවක් හැගේ. එය බොහෝ දෙනා තමන්ගේ ආකල්ප අනුව විග්‍රහ කිරීමට මැලි වේ. නැතහොත් කිරීමට හැකියාවක් නොමැත. එහෙත් ඒ සඳහා සියුම් පෙළඹවීමක් දැකගත හැකිය.

මෙරට ජනයාගේ ප්‍රමුඛ වෘත්තීය වූයේ කෘෂිකර්මාන්තයයි. ගොවිතැන හා සම්බන්ධව ශ්‍රම ක්‍රියාදාමයන්හි රිද්මය ද ඇදහිලි විශ්වාස මත ගොඩනැගුණු වත් පිළිවෙත් ද මත කුඹුරේ කමතේ හා හේනේ ගැයුණු ජන ගීවල නාද මාලාවන් නිර්මාණය වූ බව කිව හැකිය. කෘෂිකාර්මික සමාජයෙහි භාවිත වූ දරු නැලවිලිල ,ශාන්ති කර්ම,කවි, කෙලි ගී සහ එදිනෙදා ජීවිතයේ සිදුවීම් සමඟ බැඳුණු ජන කවි ද ගොවිපල ගැයුණු ගිවල නාදමාලාවන්හි ආධිපත්‍යයට නතුව ගායනා කෙරුණැයි සිතිය හැකි වේ.

පසුකාලීනව ඇති වූ පතල් කර්මාන්තය වැනි වෘත්තීන් හා සම්බන්දව නිර්මාණය වූ ජන කවි ද ගොවිතැන මුඛ්‍යකොටගෙන බිහි වූ නාදමාලාවන්හි බලපෑමට හසු වූ බව පෙනේ. මෙයින් සිංහල ජනකවියේ විෂය ක්ෂේත්‍රයේ මෙබඳු විවිධත්වයක් පැවතුණ ද ඒවායේ ගායනා විලාසයන්හි පොදු සමානත්වයක් ඇති විය. මෙපරිද්දෙන් කෘෂිකාර්මික පදනමින් පැන නැගුණු සාමුහික විඥානය සිංහල වන අතර කාලයාගේ ඇවෑමෙන් ඒ ගායනා විලාසය ජනයාගේ උප විඥානගත සම්ප්‍රදාය බවට පත්විය-

“මිනිසාගේ උප විඥානය අතිශය ශූඪයල සංකීර්ණය එහි අත්මුල් සෙවිය නොහේ. ඉතිහාසය මුළුල්ලේම මිනිසා ශ්‍රවණය කළ නාද මාලා ස්වභාවධර්මය නිෂ්පාදන ක්‍රියාවලීන් හා තාක්ෂණය ද ජාන ශක්තිය ද ඔස්සේ ගලා වූත් උප විඥානයෙහි සැඟ වී යටපත් වී පවතින නාද මාලාවන්හි පොදු විශ්වීය නාද රූප ආකෘති බවට පත් වේ.  එහෙයින් විශ්ව සාධාරණ සංගීත සංධ්වනියක් කන වැකුණු සැණෙන් විඳ ගැනීමේ ශක්තිය ඕනෑම කොදෙව්වක දිවි ගෙවන මිනිසෙකු සතුව පවතී. දුරාවබෝධ බසකින් ලියවුණු ගීතයක් සම්බන්ධයෙන් වුව තතු මෙසේම වේ“. Cargills  දැන්වීමේ සංගීත සංකලනය නාද රටාවන් වඩාත් නිර්මාණශීලීව ජනයාට වඩාත් සමීපව එම නාද රටා යොදා ගෙන ඇත.

වෙළඳ දැන්වීම ආරම්භ වන්නේ ගමේ හේන අවටින් ඇසෙන කණ කොකාගේ නාදයත් සමඟය. ඇබැද්දියක සේයාව කරදරයක පෙර සලකුණු එම නාදයත් සමඟ පටන් ගනී.ළමුන් දෙදෙනාගේ විලාපය සමඟ හේනට පැමිණෙන ගැමි කාන්තාව ද විලාප තබමින් සැමියා අත රැඳි ගින්දර හුළුඅත්ත විසිකර දැමීමට සැරසෙයි. ඒ මොහොතේදී පසුතලයෙන් යක් බෙර නාදයත් පහත රට ශාන්ති කර්ම සඳහා භාවිතා කරනු ලබන බෙර නාදයත් පසුතලයෙන් වාදනය වෙයි. දුකමුසු බටනලා නාදයක් ඉන් අනතුරුව වාදනය වෙයි-

මහින්දාගමනයට පෙර ලක්දිව කොහොඹා කංකාරිය වැනි විසිතුරුමත් යාග විධිල යක් නැටුම් වැනි කෘත්‍ය විශේෂ ද පැවති බැව් කියවේ. වැද්දන් විසින් යක් නැටුම් වලදී ගයන ලද යාදිනි ලෝකයේ ඇති පැරණිම ජන ගී වශයෙන් විද්‍යාර්ථින්ගේ සැලකිල්ලට භාජනය වී ඇත. මේ යක් නැටුම්වලදී සංගීත භාවිත වී දැයි විමසා බැලීම වැදගත්ය.

තම අස්වැන්නට වටිනා මිලක් ලැබීම සමෘද්ධිමත් වූ ගොවියා මෙන්ම මුළු ගමේම සශ්‍රිකත්වය හැගවීමට බටනලා නාදයෙන් අනතුරුව සිතාරයේ නාදයක් සුසංයෝගී කරයි. එමෙන්ම සංගීත සුසංයෝගයේදී උඩරට තම්මැට්ටම නාදය, බටනලා නාදය,  කෘෂිකර්මය තුළ ජනයාගේ සමීපතම වාද්‍ය භාණ්ඩයක් වූ බුම්මැඩි නාදය වැනි ශබ්දයන් තුළින් සංගීත අධ්‍යක්ෂණය මනාව සුසංයෝගී කර ඇත. සාම්ප්‍රදායික සමාජයේ ගැමියාගේ නාද රටාවන් මනාව හඳුනා ගනිමින් නිර්මාණශීලීව එය ඉදිරිපත්කොට ඇත.

Cargills වෙළඳ දැන්වීමේදී පෙළ රචනයේදී භාෂාව ළඟන්නාසුළු අන්දමින් භාවිතා කිරීමේදී අපූර්වාන්විත වූ යෙදවුම් ඒ සඳහා යොදා ගෙන ඇත. භාෂාව භාවිතා කිරීමේ දී ප්‍රබල ලෙස

01         කණට ගොදුරුවන සංකේත හෙවත් ශ්‍රව්‍ය ගෝචර සංකේත

02         ඇසට ගොදුරුවන සංකේත හෙවත් දෘෂ්ටි ගෝචර සංකේත

එමෙන්ම සාම්ප්‍රදායිකල ප්‍රාදේශිකල නාගරිකල ග්‍රාමීය ආදී ලෙස භාෂාව භාවිතා කිරීම් සිදු කිරීමට ද හැකි වේ-

දෘෂ්‍ය රූපනයක් මැවීමෙන් රූපකය තුළ නව පණක්, ජවයක්, ශක්තියක් ඇති කිරීම සඳහාත් භාෂාව ප්‍රබල ලෙස යොදා ගනී- කථන / ලිඛිත / ගායන විලාශයකින් හෝ ප්‍රහසනයෙන් ද භාෂාව භාවිත කළ හැක-

භාෂා දෙකක සංකලනය කථනයට අමතරව දෘෂ්‍යමය ලේඛන විලාශයෙන් හෝ භාෂාව යොදා ගැනීම කළ හැකි වේ- අකුරු සංකේතයක් ලෙස යොදා ගැනීම නව තාක්ෂණික දෘෂ්‍ය ප්‍රයෝග , වර්ණ, හැඩතල ,  පර්යාලෝක ලක්ෂණයන් ගැබ් කර ද භාෂාව අපූර්වාන්විත ව නිර්මාණශීලිව භාවිතා කළ හැකිය-

ක්‍්රටසකකි දැන්වීමෙහි පෙළ නිර්මාණයේ දී සාම්ප්‍රදායික සමාජයේ ජන වහර මේ තුළය අන්තර්ගත කිරීමට නිර්මාණකරුවා සමත් වී ඇත-

¨                       අන්න අප්පොච්චා මුළු අස්වැන්නටම ගිනි තියනවා

¨                       හත් දෙයියනේ මේ මොකද ? මොන යකෙක් වැහිලද ?

¨                       අස්වැන්න උන් ඉල්ලන සොච්චමට දීලා කොහොමද කන්නේ විළි වහගන්නේ

¨                       අපේ අස්වැන්න දැන් කාටවත් කුණුකොල්ලෙට දෙන්නේ නෑ

¨                       කිව්වට ඇස්වහක් කටවහක් නෑ ආයුබෝවන් අපට දැන් ලැබිලා තියෙන්නේ හොඳ කලදසාවක්

¨                       අපි කාර්ගිල්ස් එකට දෙන්නේ ඉස්තරම්ම දේ

ප්‍රාදේශීය උප භාෂාවන් භාෂාව ඇතුලේ යොදා ගනිමින් ජනයාගේ උප විඥානයට ආමන්ත්‍රණය කිරීමට මෙම භාෂා භාවිත උපක්‍රම සමත් ව ඇත. ඇදහිලි විශ්වාස ආදිය පිළිබඳවත් ජනයාගේ සමීපස්ථ ජනවහර මෙලෙසින් නිර්මාණය කොට ඇත. අප්පොච්චා, සොච්චමට,කුණුකොල්ලෙට, කලදසාවක්, යකෙක් වැහිලද, ඇස්වහක් කටවහක් නෑ ඉස්තරම්ම මෙවැනි භාෂාත්මක පෙළ රචනයක් තුළින් එය මනාව විදහාපායි. රූපය රචනයේදී ඒ තුළ මනා වූ පරිකල්පන ශක්තියක් ජනනය කරමින් තත්පර ගණනකදී ආ--- රූපය තුළින් වර්ණවත් ලෙස නිර්මාණයකොට ඇත.

රූපවාහිනී හා චිත්‍රපට මාධ්‍යයේදී සාදාගන්නා දෘෂ්‍ය ශිල්ප ක්‍රම චලනය වටා ගොඩනැගී ඇත්තේ ඒ මාධ්‍ය ද්විත්වයට (චිත්‍රපටයත්, රූපවාහිනියත්) චලන චිත්‍ර නිසාය. නිසල සංයුතියට අදාල මූලික සිද්ධාන්ත වූ සමතුලිතතාව, සමස්තිථිය, පේලිය Line, අගය, හැඩය, වයනය , මානය විසන්සන්දනය හා සියලු සෙසු අංගයන් චලනය පිළිබඳ මූලික සංකල්පය මත ගොඩනැගේ.

සෑම රූපයක්ම  දෘෂ්‍යමය අවශ්‍යතාව සංයුතියයි. Composition  කැමරාවක එක් එක් දර්ශන ඛණ්ඩයක චලනයද නළුවෙකුගේ, නිලියෙකුගේ පසුබිමට අදාළ එක් එක් චලනය එම දර්ශන ඛණ්ඩය ප්‍රතිසංයුතිකරණය කළ යුතුය. සංයුතිය කෙරෙහි මූලික අංග ගණනාවක්ම බලපායි.

වෙළඳ දැන්වීමක් නිර්මාණය කිරීම සඳහා යම්කිසි සංකල්පනාත්මක රූප රාමු පෙළ ගැස්වීම හා ආකර්ෂණීය ලෙස ක්‍රියාකාරීත්වයෙහි යෙදෙමින් රූප රාමු තුළින් යම් අර්ථනයක් දීමට මනෝරූපකට Visualizer  එම කාර්යය පැවරේ.

විශාල නිර්මාණ ආයතනවල මෙම ක්‍රමවේදය අනුගමනය කරන අතර කුඩා දැන්වීම් ආයතනවල මෙම කාර්යයන් සියල්ලම එකම නිර්මාණකුරුවෙකු යටතේ සිදුවේ.

එමෙන්ම රූප පෙළගැස්වීමේදී මෙම වර්ගීකරණය ද පවතී.

01         අන්තර්වර්තී රූප

රූප ඇතුළත චලනයයි. මෙය කැමරාකරණයේ පළවෙනි චලනයයි. මෙයට කැමරා චලනයල නළු නිළියන්ගේ සතුන්ගේ හා ද්‍රව්‍යයන්හි චලනය ද පසුබිම් චලන ද ඇතුළත් ය.

උදා ඃ-

■             Cargills food city  දැන්වීම ඉලුක් පඳුරේ චලනයක්

■             සහල් සහිත කුල්ල බිම වැටීමේ දී ඇති වූ චලනයක්

■             වතුර බිංදු විසිකිරීමේ චලනයක්

■             එළකිරි වීදුරුවක් මතට දැන්වීමේ දී ඇති වූ චලනයක්

■             Cargills food city   ෂොපින් බෑග් තුළින් සරුංගල් සාදා යැවීමේදී ඇති වූ චලනයක්

02ග      අන්තර් රූප

චලනය නම් සංස්කරණ දර්ශන ඛණ්ඩයන් එක්ව ඇති කරන චලනයයි. හුදෙක් මෙය දර්ශන ඛණ්ඩයන් අතර ඇතිවන දර්ශන රිද්මයයි.

රූප රචනයේ දී ප්‍රබල ලෙස Concept සංකල්පයකට අනුව රූපය රචනා කොට ඇත.කැමරා කෝණ යොදාගැනීමේදී සංවාද හා කතාබහේදී මධ්‍යම රූප යොදාගෙන ඇත. භාවාත්ථය හැගීම් ජනන කිරීම මෙන්ම හැගීම් සමීපස්ථව දැනවීමට සමීප රූප කෝණයක් භාවිතාකොට ඇත. මධ්‍යම රූප වැඩිවශයෙන් භාවිතාකොට ඇත. සොබාව සෞන්දර්ය ගැමි පරිසරයේ සුන්දර බව ජනනය කිරීම සඳහා දුර රූප කෝණ භාවිතාකොට ඇත.ළමුන්ගේ දිවයාම නිරූපණය කිරීම සඳහා වේගයෙන් කැමරාව චලනය වන චලන රූපයක් භාවිතා කොට ඇත. පසුතලයක් තෝරා ගැනීමේදී ස්වභාවික ගැමි පරිසරයක අසිරිය ඒ තුළ ඇත. වෙල්යායල කදුපන්තීන්, හේන, මිරිස් අස්වැන්න, ගොවිබිම්, කුකුළන්, පතෝල වැස්ස, දියදොල, දිය ඇලි සශ්‍රිකවත් ගොවිබිමක අසිරිය පසුතල රූප කෝණ තුළින් මනාව රචනයකොට ඇත.

නළු නිළියන් යොදා ගැනීමේදී දුලීකා මාරපන, ප්‍රසන්ජිත් අබේසූරිය වැනි රංගනයෙන් ප්‍රතිභාපූර්ණ නළු නිළියන් භාවිතා කිරීම තුළ මෙම වෙළඳ දැන්වීම වඩාත් ජනතාවගේ ජනාදරයට ලක්විය

එමෙන්ම පසුතලය නිර්මාණය කිරීමේදී ගොවි ගෙදර, කුල්ල, පිල, කඩුල්ල, ඉනිවැට, හේන ආදී ලෙස සාම්ප්‍රදායික ලෙස ගැමියාගේ නිරූපණයක් එපරිද්දෙන්ම මෙම යෙදවුම් යොදා ගැනීම තුළින් මනාව නිරූපණය වේ.

පසුබිම් දර්ශන රූපයෙන් ඉදිරිපත් වන දෑ තාත්විකව දැකීමටත් අදහසින් ප්‍රකාශ වන දෑ තවත් තීව්‍ර වීම සඳහාත් මෙය වැදගත් වේ. එමෙන්ම ප්‍රේක්ෂකයා තුළ චිත්ත රූප මැවීමටත් අතීතය වර්තමාන හෝ අනාගතය ස්මරණය වීමටත් සංස්කෘතිකමය පසුබිම තම රටේ අනන්‍යතාව හා ප්‍රොෟඪත්වය ඇති කිරීමටත් පසුබිම් දරුශන ඉතා වැදගත් වේ.

නළු නිළියන් යොදා ගැනීම මෙන්ම වේශ නිරූපණය හා ඇඳුම් භාවිතා කර ඇති ආකාරය පිළිබඳව සඳහන් කිරීමේදී එය ද මනාව යොදා ගෙන ඇති අයුරු විවරණය වේ. වේශ නිරූපණයේදී තාත්වික ලෙස සාම්ප්‍රදායික ගොවියාගේ අංග ලක්ෂණ වස්ත්‍ර හා ආභරණ තුළින් මනාව විවරණය කරයි.

උදාඃ- සරම,රෙද්ද හැට්ටෙ, ගැහැණු ළමුන් සඳහා චීත්ත ගවුම් ආදිය යොදාගෙන ඇත.

පඩු පැහැති ඇඳුම් වස්ත්‍රාභරණ යොදාගෙන ඇත. සුදු මේස් බැනියම ආදායද යොදා ගෙන ඇත

සංඥා සංකේත භාවිතය ද මෙම දැන්වීම තුළ අන්තර්ගත වේ-

■             ගින්දර   ( කරදරයක්, විනාශයක්, අස්වැන්න ගිනි තැබීම )

■             එළකිරි ( සශ්‍රිකවත් බව )

■             අඹ ගෙඩි ( සරුසාර බව )

■             සරුසාර වෙල්යාය ( ස්වයංපෝෂිත ගොවියා )

කතාබහ රටින් රටට ජාතියෙන් ජාතියට සංස්කෘතියෙන් සංස්කෘතියට වෙනස් වන්නා සේම ශරීර ඉරියව් ද එසේම වෙනස් වේ. සමහර ඉරියව් වලින් ප්‍රකාශ කරන දෙය තවත් සමහර සංස්කෘතියකදී හාත්පසින්ම වෙනත් තේරුමක් දිය හැකිය.

සංඥා යොදා ගැවීමේදී ඉරියව් භාවිතයද එසේ සඳහන් කළ හැක. මුහුණේ ඉරියව්ල ශරීර භාෂාවල ශරීරයේ ඉරියව් මෙම වෙළඳ දැන්වීම තුළද නිර්මාණාත්මක ලෙස යොදා ගෙන තිබේ. දුලීකා මාරපන තාත්වික ලෙස කෙරෙන රංගනය හුළු අත්ත ඉවත් කිරීමල කුඩා දරුවාගේ දුක්මුසු මුහුණේ සමීප රූපය, ගමේ දරු දැරියන් කෙළි දෙලෙන් ජල ක්‍රීඩා කිරීම ආදී ලෙස දැක්විය හැකිය.

ආලෝකකරණය පිළිබඳ සඳහන් කිරීමේදී දෘෂ්‍ය රූපය තාත්වික, කලාත්මක, තත්ත්වයකට පත්කිරීමට සිනමාකරුවෝ ආලෝක වර්ග හතරක් ප්‍රයෝජනයට ගනු ලබයි-

01         ප්‍රධාන ආලෝකය : Key Light

ප්‍රාථමික ආලෝක මුලාශ්‍රයල සූර්යාලෝකය

02         Harsh Shadow  ( මෘදු කිරීම දැඩි පරාසයක් මෘදු කිරීම කරයි- )

03         කිකර් බැක්ලයිට් :  Kicker backlight

නළු නිලියන් පසුබිමෙන් වෙන්කොට දක්වයි.

04ග      පසුබිම් ආලෝකය : Background Light  සංයුතියට ගැඹුරක් සපයයි.

ආලෝකකරණය Cargills food city  වෙළඳ දැන්වීම තුළ යොදා ගැනීමේදී මුල් තත්පර කිහිපය තුළ ගෙවන රූප රාමු අඳුරු ස්වභාවයක් ගනු ලබයි. එම අඳුර ආලෝකකරණය තුළින් ආලෝකය අඩු මට්ටමක පවත්වා ගනිමින් අඳුරුකර ඇත.ඉන් අනතුරුව ඊළඟ තත්පර කිහිපයකදී රූප රාමු තුළ ආලෝක මට්ටම් වැඩි ලෙස භාවිතා කොට ඇත. Key Light  තුළින් රූපගත කළ දර්ශන බොහෝමයක් ඒ තුළ පවතී-

Cargills food city   වෙළඳ දැන්වීම තුළ ආඛ්‍යානමය රීතියක් සුසංයෝගීව ඇත.කතාන්දර ස්වරූපයක් ඒ තුළ ගළපවා ඇත.මුල මැද අග සහිතව එම කතාව මනාව දිව යයි. එමෙන්ම Cargills food city   වෙළඳ දැන්වීම දැන්වීම් 2 ක් එකට සම්බන්ධ කළ දැන්වීමක් ලෙස මෙය දැක්විය හැකිය. දැන්වීම් මාලා 2ක එකතුවකි.

කාර්ගිල්ස් ආයතනය තම සන්නාම ප්‍රවර්ධනය මෙන්ම ආයතනික ප්‍රතිරූපය නංවාගැනීමට නිර්මාණශීලී ලෙස නිමවා ඇති මෙම වෙළඳ දැන්වීම තුළ සන්නාමයෙන්, වෙළඳ ලකුණ, වර්ණ මනාව යොදා ගෙන ඇත.

¨                       සොසේජස් ඇසුරුම් පඹයාගේ ඇස්වලට ගැසීම

¨                       KFC අසුරණ බඳුන්

¨                       Cargills food city   ෂොපින් බෑග්

සන්නාමයන් රුශියක වෙළඳ ලකුණු එකම වෙළඳ දැන්වීමක් තුළ නිර්මාණශීලීව සංයුක්ත කර තිබීම වඩා ළඟන්නාසුළුය.

එමෙන්ම සන්නාමයන් සඳහා ඕට ඛසබැ යොදාගෙන තිබීම ද විශේෂත්වයකි.

¨       ඔබේ අකමිට දන්න

¨       ඔබේ හිත ළඟ ඉන්න

¨       හද පත්ලෙන්ම ලාංකිකයි

එකම වෙළඳ දැන්වීමක් තුළ භාණ්ඩ කිහිපයක සන්නාම නාම රුශියක් ඉදිරිපත්කොට තිබීම විශේෂත්වයකි. වෙළඳ දැන්වීම අවසානයේදී කොළඹ කොටුව Cargills food city   ගොඩනැගිල්ලේ අනුරුවක් ද ආරම්භක වර්ෂය ලෙස 1844 ද වෙළඳ දැන්වීම තුළ දැක්වේ. තමන්ගේ Cargills food city   ආයතනය වෙළඳ ක්ෂේත්‍රය තුළ ඉතා විශාල අත්දැකීම් මෙන්ම සුවිශාල අතීතයකට හිමිකම් පෙන්වන බව ඒ තුළින් නිරූපණය වේ. එමෙන්ම දකුණු ආසියානු කලාපය තුළ වෙළඳ ආධිපත්‍යයට නතුව පවතින වෙළඳ සංවර්ධනය රතු වර්ණය යොදා ගනී Cargills food city   ආයතනය ද රතු වර්ණය යොදා ගෙන ඇත.තම අලෙවි ප්‍රචාරණ කටයුතු වලදී රතු වර්ණය මනාව යොදා ගනු ලබයි. එමෙන්ම Cargills food city   වෙළඳ දැන්වීම තුළ කාර්ගිල්ස් ආයතනය තම අස්වැන්න තම ගොවිපලට ලබාගැනීම Cargills food city   තුළ ඇති භාණ්ඩවල ඇති නැවුම් බව, පිරිසිදුභාවය මෙන්ම  අතරමැදියන්ගෙන් තොර වීම ආදී ලක්ෂණ ඒ තුළ අන්තර්ගත වේ. ස්වයංපෝෂිත ගොවියාගේ ආර්ථික ක්‍රමයේ වර්ධනයල කිරී ගොවියාගේ සුරක්ෂිතභාවය ආදී ලක්ෂණයන් රාශියක් ඒ තුළ අන්තර්ගත වී ඇත.

ස්වනිෂ්පාදන ආර්ථිකය තුළ ගමට ද ක්‍්රටසකකි හි වෙළඳ භාණ්ඩ නැවත ලැබීම ද මේ තුළ ඇති

¨       සරුංගල් වෙනුවට KFC ආහාර බඳුන්වලින් කෙලි සෙල්ලම් කිරීම

¨       කාර්ගිල්ස් අයිස් ක්‍රීම් හිස් බඳුන් ජල ක්‍රීඩා වලට යොදා ගැනීම

¨        ජෑම් බෝතල් තුළ මත්ස්‍යයින් දැමීම

¨       Cargills food city   ෂොපින් බෑග් සරුංගල් ලෙස භාවිත කිරීම

නිර්මාණශීලී රූප රචනයක් හා පෙළ තුළින් ක්‍්රටසකකි වෙළඳ දැන්වීම වඩාත් නිර්මාණශීලීය. ගොවියාගේ සිව නිෂ්පාදන ආර්ථිකයට අත්වැලක් වෙමින් අතරමැදියාගෙන් තොරව නැවුම් භාණ්ඩ පාරිභෝගිකයා වෙත ලබා දෙන Cargills food city   ආයතනයෙහි මෙම වෙළඳ දැන්වීම මෙය ප්‍රචාරණය කළ වර්ෂයේ දී ජනතාවගේ වඩාත් ජනාදරයට ලක්විය.

වෙළඳ දැන්වීමක සමාජ බලපෑම වචනයෙන් විස්තර කළ නොහෙන පමණකට තියුණුය. සංවේදීය. සමාජ ආකල්ප සකස්කිරීමේලා සාහිත්‍ය, නාට්‍ය,චිත්‍රපටය ආදී උසස් කලාවන් දැක් වූ දායකත්වය යටපත් කරමින් ඒ තැන වර්තමානයේ පත් ව සිටින්නේ රූපවාහිනියයි. ගෝලීයකරණය සංකල්පය තුළ ජනප්‍රිය සංස්කෘතියේ ප්‍රවාහකයා බවට පත්ව සිටින රූපවාහිනිය ඇසිල්ලකින් සමාජ ආකල්ප වෙනස් කිරීමෙහිලා සාවර්ථ්‍යයක් දක්වයි. රූපවාහිනී මාධ්‍යයේ දී වර්තමානයේ මේ කාර්යයෙලා පෙරමුණ ගෙන සිටින්නේ වෙළඳ දැන්වීම්ය. එහෙයින් මේ ක්ෂේත්‍රයේ නිරත නිර්මාණකරුවන්ගේ අධ්‍යාපනය, රසභාව, දැක්ම මත සමාජ ආකල්ප රඳා පවතින අවධියක අපි අවතීර්ණ ව සිටිමු. වර්තමාන පරම්පරාව රූපවාහිනී පරම්පරාවක් ලෙස අර්ථකථනය වේ.  එසේනම් අනාගත පරම්පරාවේ දැක්ම, ආකල්ප සැකසීමේ කාර්යය ද රූපවාහිනී මාධ්‍යයට අයත් මූලික වගකීමක් වේ-

21 වන සියවසේ තම වෙළෙඳපොළ අරමුණ සාර්ථක කර ගැනීම සඳහා අන්තර් සංස්කෘතික වෙළෙඳපොළවල් ගැන මනා අවබෝධයකින් සිටීම සහ වෙනස්කම්වලට සංවේදී වීම සම්බන්ධ පූර්ව අනුමාන ඉතා වැදගත් වේ- මේ අනුව ගත් විට භාෂාව, ආගම, සමාජ හර හා වටිනාකම්, අධ්‍යාපනය සහ ජීවන රටා ආදී මූලික සංස්කෘතික පිළිගැනීම් සහිත පාරිභෝගිකයන් වෙත ළඟා වීම (බහු ජාතික සමාගම්) අනුගමනය කරන උපාය මාර්ගික ප්‍රවේශ වී ඇත්තේ අන්තර් සංස්කෘතික අලෙවිකරණයයි.

නියාස් අහමඞ් සිය Cross Cultura Content Anlysis of Advertising from the United States and india” කෘතියෙහි සඳහන් කරන ආකාරයට අන්තර් සංස්කෘතික අධ්‍යයනය, වෙළඳ ප්‍රචාරණ අධ්‍යයනය කිරීම සඳහා යෝග්‍ය විෂයක් ලෙස එහි වැදගත්කම වර්ධනය වීමට ලෝකයේ සිදු වූ වැදගත් සංසිද්ධීන් කිහිපයක් හේතු වී තිබේ.

¨       ගෝලීය ආර්ථික පරිසරය දියුණු වීම තුළ අන්තර් බහු සංස්කෘතීන් ඔස්සේ හා පුළුල් ජාත්‍යන්තර ජනමාධ්‍ය ප්‍රචාරණය ඔස්සේ ජාත්‍යන්තර වෙළෙඳාම ප්‍රතිඵලදායී වර්ධනයක් අත්පත් කරගෙන තිබේ.

¨       ලෝකය පුරා සිටින පාරිභෝගිකයින්ගේ වටිනාකම්ල ආශාවන් හා රුචිකත්වයන් අනුව ඔවුන් සමජාතීය ද ල නැති ද යන ප්‍රශ්නය මත ප්‍රචාරණ වෘත්තිකයින් හා පරියේෂකයින් ධ්‍රැවීකරණය වී තිබේ.

¨       ඉලක්කගත ග්‍රාහකයින්ගේ සංස්කෘතික වටිනාකම් කෙරෙහි ප්‍රචාරණය බලපෑම් සිදු කරන්නේ කෙසේ ද යන්න පිළිබඳ අධ්‍යයනය මෑත කාලය තුළ වර්ධනය වී තිබේ.

වෙළඳ දැන්වීම් අතර නව ලාඕජී වෙළඳ දැන්වීම අන් වෙළඳ දැන්වීම් වලට වඩා සුවිශේෂී වන්නේ රූප රචනය හා පෙළ රචනයේ දී බහු සංස්කෘතික ( සංස්කෘතික 2ක ) හර පද්ධතීන් ඒ සඳහා භාවිතයට ගැනීමයි.

සිංහල තරුණයා දෙමාපිය අකමැත්තෙන් විවාහයට අවතීර්ණ වී එහෙත් තම ලේලිය මුස්ලිම් තරුණියක වූවත් ඇය ගර්භනී තත්ත්වයක සිටින ආරංචිය කණ වැකුණු වහාම පුතුත් තම මුස්ලිම් ලේලියගේ සැප දුක බැලීමට පේර, ලොවි, ඇඹරැල්ල වැනි ඇඹුල් ජාති රැගෙන දර්ශන වාරයක් මෙම ලාඕජී වෙළඳ දැන්වීම තුළ තිබේ. ලේලිය විසින් තම මාමණ්ඩියට ලාඕජී තේ පානය පිළිගැන්වීමෙන් අනතුරුව ඔවුන් අතර තිබූ ආරෝවය වියැකී යන අයුරු මෙම දැන්වීම තුළින් විවරණය වේ.

පෙළ රචනයේ දී මෙහි භාෂාව ඉතා ළඟන්නාසුළු ලෙස ඉදිරිපත්කොට තිබේ. එමෙන්ම භාෂාවේදී ජනවහරේ භාවිතා කරන වචන යොදාගෙන තිබේ.

¨       එයාගේ ආරෝවෙ අඩුවක් නැහැ

¨       නිවීහැනහිල්ලේ ඉදලා යන්න

සුහදශීලී කතාබස් වහරක් යොදාගෙන ඇති අතර කථන භාෂාව මනාව යොදාගෙන ඇත.

එමෙන්ම ලිඛිත භාෂාව යොදාගැනීමේදී  අපි හැමෝම ලෙන්ගතුකම් හඳුනන මිනිස්සු” යන Tag line එක භාවිතා කරන් ලබයි. එමෙන්ම සත්කාරයේ රසමුසුව ලෙස ලිඛිත භාෂාවෙන් අකුරු රතු පැහැයෙන් රූපණය කර ඇත- එමෙන්ම මිල සහ ඹබසකසඩැර ආයතනයෙහි ලාංඡනය ද සංකේත ලෙස භාවිතා කර ඇත. මිල රු- 25  ලිඛිත භාෂාවෙන් රූපණය කර ඇත.

රූප රචනයේ දී නළු නිලියන් හා පසුතල නිර්මාණ මනාව යොදා ගෙන ඇත. පසුතල නිර්මාණයේ දී ඕකිඞ් මල් වලින් පිරුණු අලංකාර ගෙවත්තක් සහිත පරිසරයක් දර්ශනය වේ. එමෙන්ම නළු නිලියන් තෝරා ගැනීමේදී සිංහල තරුණයාගේ මව රතු පැහැ සාරියකින් සැරසී සිටී. එමෙන්ම පියා රතු පැහැය ගත් කොටු කමිසයකින් සැරසී සිටියි. මුස්ලිම් ලේලිය ද රතු පැහැයෙන් මුස්ලිම් කතකට අනන්‍ය වූ ඇයගේ ඇඳුම ඇඳගෙන සිටී. මුස්ලිම් කතකට අනන්‍ය වූ ෆර්දාව ද යොදා ගෙන ඇත.

සංස්කෘතීන් දෙකක් අතර පවතින අසමගිය සමඟිය තුළින් වර්ධනය කිරීමට ලාඕජී නැමැති තේ පානය සන්නාමයක් ලෙස භාවිතා කරනු ලබයි.

සංඥා සංකේත භාවිතා කිරීමේ දී ප්‍රබල ලෙසට සංස්කෘතිකල සමාජීය අර්ථයන් නිරූපණය කරන සංකේතයන් ඒ සඳහා භාවිතා කරනු ලබයි.

¨                       ෆර්දාව භාවිතා කිරීම ( පිරිමි කෙනෙකු දුටු විට ෆර්දාවෙන් මුහුණ ආවරණය කර ගැනීම මුස්ලිම් කතකගේ චාරිත්‍රයයි.)

¨                       මෙහෙන්දි රටාල මරතොන්ඩි රටා අත්පුරා ගැල්වීම මුස්ලිම් කතකගේ චාරිත්‍රයයි.

¨                       නැන්දනිය සිංහල කතක් බව දැනවීම ඔසරියෙන් හැඩ වී සිටීම.

¨                       මුස්ලිම් බිරිඳ සහ සිංහල සැමියා යන දෙදෙනා උපාධිධාරීන් වන සාලයේ එල්ලා ඇති උපාධි සහිත ඡායාරූපයක් එළිදැක්වීම.

¨                       ඔවුන් දෙදෙනාගේ ඡායාරූප මෙන්ම ඔවුන්ගේ සිහිනය වන දරුවකු ලැබීම පිළිබඳ ගර්භනී අවධියේ කාටූනයක් ප්‍රැන්ටි කබඞ් එකේ දර්ශනය කරවීම

¨                       ලාඕජී තේ පැකට් එකක් එහි සන්නාම සහිතව දැක්වීම

¨                       රතු පැහැති වර්ණය තේ කෝප්පය සඳහා යොදාගෙන තිබීම

¨                       එමෙන්ම ඇය ගැබිණියක් බව හැඟවීමට ගැබිණියක් වීමේදී දොල දුක අවස්ථාවේදී ඇඹුල් ආහාර සඳහා වැඩි කැමැත්තක් ඇති බව දැනවීමට ඇය ඇඹරැල්ලා ආහාරයට ගනිමින් සිටීම

මෙවැනි සංකේත භාවිතකොට ඇත .සංස්කෘතිකමය සංකේත සහ සමාජීය වශයෙන් වන සංකේත ඒ තුළ වේ. නැන්දණිය විසින් ඇයට පේර,ලොවි ඇතුළත් බඳුන පිළිගන්වන විට  වත්තේ ඒවා” යැයි සඳහන් කරනු ලබන්නේ එම ආහාරවල ඇති සුරක්ෂිතභාවය පිළිබඳවයි. එමෙන්ම කුමන ආරෝවයක් තිබුණ ද ගැබිණි කාන්තාවකට සිංහල සමාජය තුළ ඉහළ වටිනාකමක් මෙන්ම ඇය වෙත ආදරය,කරුණාව, දයාව දක්වන ආකාරය ඒ තුළින් මනාව පැහැදිළි වේ. එමෙන්ම සිංහල පියාගේ ආරෝවය තුළ ඇත්තේ තම පුතු තම ජාතිය ගැන නොසිතා වෙනත් ජාතියක ආගමක තරුණියක් හා විවාහ වීමයි. එම කේන්තිය ඔහු වාහනයේ දොර වේගයෙන් විවෘත කිරීම තුළ දක්නට ලැබේ. අභිනයන් මෙන්ම ශරීර භාෂාව තුළින් එය මනාව නිරූපණය වේ.

සංගීතය භාවිතා කිරීමේ දී ස්වභාවික පරිසරයේ කුරුලු ශබ්ද, ගිටාරයේ නාදය, ගැහැණු කටහඩකින්    ආ ආ වැනි නාදයන් සුමිහිරි ලෙස යොදා ගෙන තිබීම, පියානෝ වාදන, ශබ්ද, වතුර කේතලේ උතුරන ශබ්ද, ආදිය මනා විචිත්‍රවත් ලෙස යොදාගෙන ඇත. එමෙන්ම වර්තමානයේ දී භාණ්ඩ හා නිෂ්පාදන සමාගම් ප්‍රබල ලෙස යුනිලීවර් වැනි බහුජාතික සමාගම් තම සන්නාමයන් ප්‍රචාරණය කිරීම උදෙසා අන්තර් සංස්කෘතික අධ්‍යන ක්‍රමවේදයන් මනාව යොදා ගෙන ඇත.ඒ තුළ ඔවුන්ගේ හර පද්ධතීන් ඔවුන්ගේ චාරිත්‍ර විදිත්ල ඇඳුම් පැළඳුම්ල මෙන්ම සමාජීය සංකේතයන් මනාව නිරූපණය කොට ඇත. ආදරයට ජාති ආගම් භේද අවශ්‍ය නොවන බවත් අධ්‍යාපනය ලැබූ පිරිස් අතර එම දුර්ගුණයන් නොමැති බවත් එය තුළින් සංකේතවත් කරනු ලබයි- එමෙන්ම සංස්කෘතීන් දෙකක් අතර තිබෙන ඝට්ටනය තේ පානයක් මඟින් දුරුවන අපූරුව මෙම වෙළඳ දැන්වීම තුළින් නිරූපණය කරනු ලබයි. යථාර්ථය මෙන්ම මායාව ද ඒ තුළ අන්තර්ගත වී ඇත.

සංකේත භාවිතා කිරීමේ දී ප්‍රබල ලෙස රතු පැහැයට ප්‍රධාන තැනක් ලබා දී ඇත. ලාඕජී තේ පැකට්ටුවේ පැහැය සහ ලාඕජී කහට රක්ත පැහැයෙන් දිස් වෙයි. එමෙන්ම කරුණයාගේ ටී ෂර්ට් එකද කහ පැහැයට හුරුය .ලාඕජී කහට පැකට් එක තුළ කහ පැහැයද  වේ. කාර් රථයද රතු පැහැතිය. සන්නාමය වඩාත් තීව්‍ර ලෙස දැක්වීම රක්ත පැහැය පසුබිමට මනා ලෙස යොදාගෙන ඇත.

එමෙන්ම කැමරා භාවිතයේ දී කැමරා කෝණ භාවිතයේ දී මධ්‍යම රූප සහ සමීප රූප කෝණ යොදාගෙන ඇත-

භාණ්ඩ නිෂ්පාදන අලෙවි කරුවන් ජාතීන් අතර සහයෝගීත්වය මෙන්ම ජාතීන් අතර අසමගිය වර්ධනය වන මේ කාලීන පැනයන් ගොඩනැගී තිබූ අවධියක මෙවැනි දැන්වීම් තුළින් ජාතීන්, ආගම් ලෙස සංස්කෘතීන් ලෙස භේද භින්න නොවී එකම ජාතියක් ලෙස පෙරට යාම වැදගත් බව දක්වයි. මෙම දැන්වීම තුළ තිබෙන යටිපෙළ සමාජීය යථාර්ථය එයයි